تۆرا لالش
ل رێكه‌فتی 23-4-2025ێ، ب هه‌لكه‌فتا بیره‌وه‌ریێن ئۆلی یێن ئێزدیان یێن مه‌ها نیسانێ، ب هه‌ڤكارییا ده‌زگه‌هێ خێرخوازیێ بارزانی ل ژێر سه‌رپه‌رشتی و پشته‌ڤانیا نڤیسینگه‌ها لالش یا خانه‌سۆرێ ب ئاماده‌بوونا جه‌ماوه‌ره‌كێ زۆر یێ وه‌رزشی قه‌هره‌مانیا مه‌ها نیسانێ یا ڤۆلی بۆلێ ل كه‌مپا چه‌م مشكۆ ب داوی هات.
تێ زانین د ڤێ قه‌هره‌مانیێ دا مامۆستا و فه‌رمانبه‌رێن دام و ده‌زگه‌هێن میری یێن كه‌مپێ د پشكدار بوون و د یاریه‌كا ب هێز و د كه‌ش و هه‌وایه‌كێ توند یێ وه‌رزشی دا قوتابخانا ئاماده‌یا كوردستان كاری كاسا قه‌هره‌مانیێ ل سه‌ر كیستێ یانا قوتابخانا ئاماده‌یا عه‌ره‌بی بلند بكه‌ت.
ل هه‌روه‌سان یانه‌یێن قه‌هره‌مان یێن ئێكێ و دووێ و ده‌سته‌یا دادڤانان هاتنه خه‌لاتكرن و رێز ل هه‌موو یانه‌یێن پشكدار هاته گرتن و ئارمانج ژی بلندكرنا ئاستێ وه‌رزشی بوو ل كه‌مپا چه‌م مشكۆ.
ل داویێ كارگێریێن قوتابخانان و یێن دام و ده‌زگه‌هێن میری سپاسیا نڤیسینگه‌ها لالش یا خانه‌سۆرێ كرن چنكو ڤه‌كرن و رێكخستنا قه‌هره‌مانیێ د ستۆیێ خۆڤه گرت بوو.
تُتاح هذه الصورة أيضا في: کوردی
