تۆرا لالش
ل ڕێککەفتی 20/4/2025 ل ڕۆژا ئێکشەمبێ، بنگەهێ لالش تایێ شاریا ب ئامادەبوونا (20) نڤیسکار و هەلبەستڤان و ئەدەبدۆستێن کۆمەلگەها شاریا، ئێڤارەکا ئەدەبی ل هۆلا لالش ئێک ل دۆر ژیان و بەرهەمێ هەلبەستڤان (سەلمان کۆڤلی) ڕێکخست.
د وێ ڕوونشتنێدا کو ژ ئالییێ نڤیسکار (ساکار کامل)ڤە هاتە بڕێڤە برن، تێدا نڤیسکاری تیشک خستە سەر ژیانا هۆزانڤان سەلمان کۆڤلی و بەحسێ بەرهەمێن وی کر، ل چەندین هەلبەستێن وی بۆ ئامادەبوویان خووندن.
جهێ ئاماژێ یە کۆبەرهەمێن هۆزانڤان سەلمان کۆڤلی ژ ئالییێ سەنتەرێ زاخۆ بۆ ڤەکۆلینێن کوردی کو ژ ئالیێ د.فاخر حسن گولی ڤە هاتینە ڤەوژارتن و کۆمکرن کو دیاریا زیاد حسێن عەبدولکەریم ئاغا بوون بۆ بنگەهێ لاش تایێ شاریا ، و ب هەماهەنگییا مامۆستا ژێهات قادر بۆ بنگەهێ لالش تایێ شاریا هاتبوونە دابین کرن.
ژ ئالییێ خۆڤە بنگەهێ لالش تایێ شاریا سوپاسییا د.فاخر گولی و زیاد حسێن و م.ژێهات قادر کرن بۆ ئەرکێ وان یێ ڕەوشەنبیری و ئەدەبی د جڤاکیدا.
تُتاح هذه الصورة أيضا في: کوردی
