سهرۆكێ دهستهيا بلندا بنگههێ لالش ل دهۆكێ ئاماژێ ب وێ چهندێ دكهت، بنگههێ لالش ماف ومەزلوومیەتا ئێزدیان گههانديه لایەنێن پەیوەندیدار و کەیسا جینۆسایدا ل دژی ئێزديان هاتیە ئەنجامدان ل سەر دەستێ تیرۆرستێن داعشێ كاراكريه.
ئێك شهمبوويێ 5ى كانوونا ئێكێ 2025ێ، سهعيد جردۆ، سهرۆكێ دهستهيا بلندا بنگههێ لالش ل دهۆكێ بۆ سهما راگههاند: ب رەزامەندی و پشتەڤانیا راستەوخۆ یا سەرۆکێ حکوومەتا هەرێما کوردستانێ رێزدار مهسرور بارزانی، بنگەهێ لالش د ساڵا 2024 دا كۆمهكا چالاكیێن رهوشهنبیری و ئهدهبی و خێرخوازی ئهنجام داينه.
كار و چالاكيێن بنگههێ لالش ل سالا 2024ێ دا:
-بدەستڤەئانینا رەزامەندیا رێزدار مهسرور بارزانی، سەرۆکێ ئەنجومەنێ وەزیرێن هەرێما کوردستانێ ژبۆ دابینکرنا مینحەیەکێ بۆ رزگاربوویێن دەستێ داعش کو هەیڤانە ب سەرپەرشتیا بنگەهێ لالش دئێتە دابەشکرن.
– دابینکرنا بەردەوامیدان ب خواندنێ ژبۆ قوتابیێن رزگاربوویی ژ دەستێ داعش ب رەزامەندیا وەزیرێ پەروەردێ ل دووڤ رێنمایێن سەرۆکوەزیران.
– تەمامکرنا بەرهەڤیان ژبۆ ڤەکرنا کەنالێ سەما یێ سەر ب بنگەهێ لالش ڤە، ب پشتەڤانیا راستەوخۆیا سەرۆکێ حکومەتێ رێزدار مهسرور بارزانی.
-تەمامکرنا بەرهەڤیان ژبۆ ڤەکرنا سەنتەرەکی پشتەڤانیا جڤاکی وچارەسەرکرنا دەروونی بۆ رزگاربوویێن دەستێ داعش ل دووڤ رێنمایێن سەرۆکوەزیران.
-وەشانا سێ ژمارا ژ گۆڤارا لالش یا وەرزی وژمارا چار یا بەرهەڤه ژبۆ چاپکرنێ.
-وەشانا سێ کتێبا وئنسکلۆبیدیا نڤیسەرێن ئێزدیا یا بەرهەڤە ژبۆ چاپکرنێ.
-وەشانا ساڵنامەیا لالش یا هەلکەفتا.
-بەردەوامیدانا پێنجشەما رەوشەنبیری کو هەفتیانە مژارەکا جیهێ پووتەپێدانێ دانوستاندن ژ ئالیێ بژارەیەکا رەوشەنبیرانڤە ل سەر دئێتە ئەنجامدان.
-سەرپەرشتیا لیژنا بابەتێ ئێزدیاتی ژبۆ هەموو قۆناغێن خواندنێ.
-بەشداری ل چەندین کۆنفرانسێن لۆکالی وناڤدەولەتی.
-تێکڵیا بەردەوام ل خۆشی ونەخۆشیێن جڤاکی.
-هاریکاریا چەندین نڤیسەر وهونەرمەند وتیمێن خۆبەخش وحالەتێن پێتڤی.
-گەهاندنا پەیاما ماف ومەزلوومیەتا ئێزدیان ژبۆ لایەنێن پەیوەندیدار وكاراكرنا کەیسێ جینۆسایدا ل دژی ئێزديان هاتیە ئەنجامدان ل سەر دەستێ تیرۆرستێن داعشێ.
-پێشوازیکرن ل چەندین نڤیسەر وڤەکۆلەر و رێکخراوێن جڤاکا سڤیل.
-خورتکرنا پەیوەندیان دکەل لایەنێن حکومی وئەکادیمی ورەوشەنبیری وجڤاکی.
-هاریکاریا بەردەواما تەخا قوتابیان.
-بەلاڤەکرنا گۆتارا برایەتیێ وپێکڤەژیانێ دناڤبەرا هەموو ئایین وپێکهاتێن کوردستانی وعیراقێ ب گشتی.
-دروستکرنا هەماهەنگیەکا مکووم دناڤبەرا بنگەهێ لالش وجەنابێ میر وجڤاتا روحانیا ئێزدیان.
-راگەهاندنا کۆنفرانسەکی نێڤدەولەتی دەربارهی ئێزدیان کو ل داویا هەیڤا چار يا ئيساله ب هەڤکاری ل گەل زانکۆیا دهۆکێ دێ ئێتە ئەنجامدان.
-ئەنجامدانا ب سەدان چالاکیێن رەوشەنبیری و وەرزەشی وجڤاکی ژ ئالیێن تایى ونڤیسینگەهێن بنگەهێ لالش ل دەڤەرێن جودا جودایێن ئێزدیان.
سهرۆكێ بنگههێ لالش دا زانين ژى: کاروان یێ بەردوامە ژبۆ خزمەتا زێدەترا جڤاکا کوردستانی ب گشتی ویا ئێزدیان ب تایبەت، ب پشتەڤانیا حکومەتا هەرێما کوردستانێ وب تایبەت سەرۆکێ حکومەتێ رێزدار مهسرور بارزانی.
تُتاح هذه الصورة أيضا في: کوردی
