تۆرا لالش
ئیرۆ ل رێكه‌فتی 27/4/2025ێ، شانده‌كێ بنگه‌هێ لالش پێكدهاتن ژ سه‌عید جردۆ سه‌رۆكێ بنگه‌هێ لالش و جه‌عفه‌ر سمۆ به‌رپرسێ پشكا ره‌وشه‌نبیری ل بنگه‌هێ لالش سه‌ره‌دانا مه‌كته‌با رێكخستنا پارتی دیموكراتی كوردستان ل دهۆكێ كر و ژلایێ سه‌ربه‌ست له‌زگین به‌رپرسێ وێ رێكخستنێ هاتنه پێشوازی كرن.
د ڤێ سەرەدانێدا، هەر دوو ئالیان مژارێن گرنگ یێن پەیوەندیدار ب رەوشا كوردستانێ و ئێزدیان ڤه گەنگەشە کرن و پشتەڤانییا خوە بۆ هەڤدوو دیار کرن و ب تایبەتی د بیاڤێن رەوشەنبیریدا بەحس ل هەڤکاریێ کرن و هه‌روه‌سان شاندێ بنگه‌هێ لالش رێكخستنا پارتی داخوازی مه‌زنترین كۆنفرانسێ ئێزدیان كرن كو ژڤانه ل رۆژانێن 29-30ی نیسانا 2025ێ ل هۆلا كۆنفرانسان ل زانكۆییا دهۆكێ ل ژێر چاڤدێرییا به‌رێز (مه‌سرور بارزانی) سه‌رۆكێ حكومه‌تا هه‌رێما كوردستانێ و ژلایێ بنگه‌هێ لالش ب هه‌ڤكاری دگه‌ل زانكۆیا دهۆكێ بهێته ل دارخستن.
سه‌عید جردۆ سه‌رۆكێ بنگه‌هێ لالش به‌حسێ گرنگییا پاراستنا کەلتوورێ ئێزدییان و بەلاڤکرنا هزر و فەلسەفەیا وێ دناڤ نفشێن نوودا دانه دیارکرن، هه‌روه‌سان سوپاسییا خوە ژی بۆ هه‌ڤكارییا وان بۆ بنگه‌هێ لالش دیاركر.
ژلایێ خۆڤه ژی سه‌ربه‌ست له‌زگین به‌رپرسێ رێكخستنێ هه‌ڤكارییا خوه بۆ بنگه‌هێ لالش و ره‌وشا په‌ریشانا ئێزدی تێدا ده‌رباز دبن دیاركر، و هه‌روه‌سان پشتەڤانیا خوە ژبۆ سەرکەفتنا کۆنفرانسێ ئێزدییان و هەموو کار وچالاکیێن بنگەهێ لالش ده‌ربری و دیاركر هه‌رده‌م دێ خزمه‌تا كوردێن ئێزدی كه‌ین.
هه‌روه‌سان هەر دوو ئالیان تەئکید ل سەر گرنگییا پاراستنا کەلتوورێ ئێزدیان و پێشڤەبرنا وێ كرن.
وان مژارێن پەیوەندیدار ب پێشەرۆژا جڤاکا ئێزدی و ڕۆلێ رەوشەنبیران دناڤدا باس کرن.
ل داوییێ، هەر دوو ئالیان لسەر درێژەدانا ڤان جۆرە هەڤدیتنان و زێدەکرنا هەڤکاریێ دناڤبەرا پارتی و دەستەیا بلندا بنگەهێ لالش و رەوشەنبیراندا رێککەفتن، ژبۆ بەرژەوەندییا گشتییا جڤاکا ئێزدی و كوردستانێ.
تُتاح هذه الصورة أيضا في: کوردی
