تۆرا لالش
ئیرۆ رۆژا پێنچشه‌مبووىێ رێكه‌فتی 24/نیسانا / 2025 ێ د.عه‌لى ته‌ته‌ر پارێزگارێ دهۆكێ پێشوازیا لیژنا ئاماده‌كار یا كونفرانسێ زانستى یێ نیڤ ده‌وله‌تیێ ئێزدیان كو پێكهاتبوون ژ هه‌ر ئێك ژ سه‌عید جردۆ سه‌رۆكێ بنگه‌هێ لالش و داود مراد خه‌تاری سه‌رۆكێ پشكا ڤه‌كۆلینان ل بنگه‌هێ لالش كر.
دهه‌ڤدیتنێ دا به‌حسێ ئه‌جیندایێن كونفرانسى و به‌رهه‌ڤیێن هاتینه كرن بۆ گێرانا كونفراسى كو بریاره ل رۆژێن (29 و30) ڤێ مه‌هێ 2025 ل هۆلا كونفرانسان ل زانكویا دهۆكێ بهێته ئه‌نجامدان ب گشتى هاته كرن.
پارێزگارێ دهۆكێ خوشحالیا خۆ ب ئه‌نجامدانا كونفرانسى دیاركر و ده‌ستخوشى ل لیژنا ئاماده‌كار كر و پشته‌ڤانیا پارێزگه‌هێ نیشان دا بۆ هه‌ر هاریكاریه‌كێ.
هه‌ژى گوتنێ یه كونفرانس ب چاڤدێریا رێزدار مه‌سرور بارزانى سه‌روكێ حكومه‌تا كوردستانێ و ژلایێ بنگه‌هێ لالش یێ ره‌وشه‌نبیرى وكومه‌ڵایه‌تى و ب هه‌ڤكارى دگه‌ل زانكویا دهۆكێ دێ هێته گێران و چه‌ندین ئه‌كادیمى ل ناڤ و ژده‌رڤه‌ى هه‌رێما كوردستانێ دێ پشكداریێ تێدا كه‌ن و ڤه‌كولینێن زانستى دێ ل دۆر ئاین و كلتوور و مێژوو و جوگرافیا ئێزدیان پێشكێشكه‌ن.
تُتاح هذه الصورة أيضا في: کوردی
