سه‌رۆك نێچیرڤان بارزانى: جینۆسایدا حه‌له‌بچه به‌سه بۆ دانا مافێن گه‌لێ كوردستانێ
گاڤ
ل سالڤه‌گه‌ڕا 36ێ یا كیمیابارانكرنا حه‌له‌بچه، نێچیرڤان بارزانى، سه‌رۆكێ هه‌رێما كوردستانێ راگه‌هاند، ئه‌گه‌ر دادپه‌روه‌رییه‌ك هه‌بایه، جینۆسایدا حه‌له‌بچه به‌س بوو، هه‌مى مافێن گه‌لێ كوردستانێ بهێنه دان گۆت ژى، دڤێت حكومه‌تا ئیراقێ هه‌مى ئه‌رك و به‌رپرساتیێن خۆ بجهبینیت.
د رۆژه‌كا وه‌كى ئه‌ڤرۆ دا ل 16ی ئادارا 1988 باژێرێ حه‌له‌بچه ژ لایێ رژێمال به‌عس یا رۆخاندى هاته كیمیابارانكرن، 5 هزار وه‌لاتیێ، باژێرى شه‌هیبدوون و پترى 10 هزارێن دى بریندرابوون.
د راگه‌هاندنه‌كێ دا ل سالڤه‌گه‌ڕا كیمیابارانكرنا باژێرێ حه‌له‌بچه، سه‌رۆكێ هه‌رێما كوردستانێ راگه‌هاند، ئه‌ركێ هه‌مییانه ب ئێكڕێزى و ته‌ڤایی ده‌ستكه‌فتان بپارێزن… ده‌ستكه‌فت به‌رهه‌مێ خوینا شه‌هیدان و قوربانیدانا گه‌لێ كوردستانێنه، قه‌واره‌یا هه‌رێما كوردستانێ به‌رهه‌مێ قوربانیدانا هه‌مى پێكهاته‌یانه.
سه‌رۆكێ هه‌رێما كوردستانێ گۆت ژى، دڤێت كار بهێته كرن، داكو رێك نه‌هێته دان تاوان كۆمكۆژى بهێنه دوباره‌كرن، دڤێت حكومه‌تا ئیراقێ هه‌مى ئه‌رك و به‌رپرساتیێن خۆ بجهبینیت و دڤێت حه‌له‌بچه و قوربانیێن جینۆساید و ئه‌نفالان بهێنه قه‌ره‌بۆكرن.
تُتاح هذه الصورة أيضا في: کوردی
