سەرۆکوەزیران مەسرور بارزانی: کوردستانه‌كا بهێزتر واتە پێشه‌رۆژه‌كا وه‌كهه‌ڤ بۆ هەموو ئافرەتان و کچان
K24 – هەولێر:
سەرۆکی حکومەتی هەرێمی کوردستان بەبۆنەی 8ـی مارسەوە رایگەیاند: کوردستانێکی بەهێزتر واتە داهاتوویەکی یەکسان، پارێزراو و گەشاوە بۆ هەموو ئافرەتان و کچان.
رۆژی هەینی (8ـی مارسی 2024) مەسرور بارزانی، سەرۆکی حکومەتی هەرێمی کوردستان لە تۆڕی کۆمەڵایەتی ئێکس پەیامێکی بڵاوکردەوە و نووسیویەتی: رۆژی جیهانیی ئافرەتان، لە ئافرەتانی کوردستان و جیهان پیرۆز بێت.
سەرۆکوەزیران مەسرور بارزانی ئاماژەی بەوەشکردووە: لەم بۆنەیەدا، پابەندبوونی خۆمان بە پاراستنی مافەکانی ئافرەتانی کوردستان و باشترکردنی بارودۆخی ژیانیان و بەهێزترکردنی پێگەیان لە کایەکانی دەسەڵات و حکومڕانی و بەهێزکردنی بنەماکانی یەکسانیی رەگەزی دووپاتدەکەینەوە.
هاوکات سەرۆکوەزیران مەسرور بارزانی لەو پەیامەیدا، ڤیدیۆیەکی بڵاوکردووەتەوە و جەختیکردووەتەوە: “ئافرەتانی کوردستان دڵنیا دەکەمەوە، کە هەمیشە پاڵپشت و پشتیوانی مافە رەواکانیان دەبم، بۆ ئەوەی بە بەپێی توانا و لێهاتوویی خۆیان رۆڵ و پێگەی شایستەیان هەبێت لە هەموو کایەکانی کۆمەڵگەدا”.
تُتاح هذه الصورة أيضا في: کوردی
