حکومەتا هەرێما کوردستانێ هاوردەکرنا تەماتێ قەدەغە کر
رووداو دیجیتاڵ
وەزارەتی کشتوکاڵ و ئاودێریی هەرێمی کوردستان رایگەیاند، بەهۆی پێگەیشتنی بەرهەمی تەماتەی شارەکانی نێوەڕاست و خوارووی عێراق، هاوردەکردنی تەماتەیان قەدەخە کردووە.
بەرپرسی چاودێریی گومرگی کشتوکاڵیی لە هەولێر دەڵێت، پێشتر تەماتە لە تورکیا، ئێران، بەشێکیش لە ئوردن و سووریاوە هاوردە دەکرا.
لە راگەیێندراوێکدا وەزارەتی کشتوکاڵ و ئاودێریی حکومەتی هەرێمی کوردستان رایگەیاند، لەپێناو بەرژەوەندی و سوودی گشتی جووتیاران و چارەسەرکردنی کێشەی بەبازاڕکردنی بەرهەمێکی زۆری تەماتەی خۆماڵی جووتیارانی شارەکانی نێوەڕاست و خوارووی عێراق، هاوردەکردنی تەماتەیان لە وڵاتانی دەرەوە قەدەخە کردووە.
هۆشیار جەلیل، بەرپرسی چاودێریی گومرگی کشتوکاڵیی لە هەولێر ئەمڕۆ دووشەممە بە تۆڕی میدیایی رووداوی گوت، پێشتر تەماتە لە تورکیا، ئێران، بەشێکیش لە ئوردن و سووریاوە هاوردە دەکران.
نرخی کیلۆیەک تەماتە ئەمڕۆ لە عەلوەکانی هەرێمی کوردستان بەگوێرەی جۆرەکەی 500 بۆ 750 دینارە و لەبازاڕدا نزیکەی هەزار دینارە.
تُتاح هذه الصورة أيضا في: کوردی