مه‌سروور بارزانى: بۆ سێ مووچه‌یێن دى چاڤه‌رێى به‌غداینه
گاڤ
سه‌رۆكێ حكومه‌تا هه‌رێما كوردستانێ راگه‌هاند، مه داخوازا سێ مووچه‌یان ژ حكومه‌تا ئیراقێ كریه و چاڤه‌ڕێى به‌رسڤا واینە.
مه‌سروور بارزانى، سه‌رۆكێ حكومه‌تا هه‌رێما كوردستانێ گۆت: “حكومه‌تا ئیراقێ یا گۆتى مه‌ها 12 ته‌سفیا حساباتا دێ هێته‌كرن بۆ وێ یه‌كێ بزانین چ مایه بهێته دابینكرن و ئه‌م چاڤه‌ڕێى واینه سۆزێن خۆ بجهـ بینن:.
هه‌وره‌سا دیاركر، ژبلى هنارتنا نامێ بۆ سوودانى، بۆ هنارتنا 700 ملیار دینارێن مه‌هانه ئه‌و دو جاران ل گه‌ل سه‌رۆكوه‌زیر ئاخفتیه، ل ده‌مه‌كى داخوازا پاره‌یێ شه‌ش مه‌ها كریه بۆ وێ یه‌كێ بۆ خه‌لكێ هه‌رێما كوردستانێ بهێته دابینكرن، به‌لێ وان بڕیار دا پاره‌یى بۆ سێ مه‌هان ب هنێرن، هه‌روه‌سا گۆتژى: حكومه‌تا هه‌رێمێ داخوازا 800 ملیار دیناران كر، لێ ئه‌و ل سه‌ر 700 ملیار دیناران رازیبوون، بۆ سێ مه‌هێن دى ژى داخوازا پاره‌یى ژ به‌غدایێ هاتیه كرن.
داخواز ژى كر دوماهى ب ڤێ كێشه‌یێ بهێت و خه‌لكێ هه‌رێما كوردستانێ ژى وه‌ك هه‌موو خه‌لكێ دى ب مافێن خۆ شاد بیت و مافێن دارایى یێن هه‌رێمێ بهێنه ره‌وانه‌كرن.
تُتاح هذه الصورة أيضا في: کوردی
