سهرۆك نێچیرڤان بارزانى: ب تنێ ئێكرێزى و كارێ پێكڤهیى دێ بنه ئهگهرێ پاراستنا دهستكهفتیێن مه
گاڤ
سهرۆكێ ههرێما كوردستانێ راگههاند كو ب تنێ ئێكرێزى و كارێ پێكڤهیى دێ بنه ئهگهرێ پاراستنا دهستكهفتیێن مه و داخواز كر لێكتێگههشتنهكا ههڤپشك بۆ چارهكرنا كێشهیان ههبیت.
سهرۆكێ ههرێمێ ئهڤرۆ ئێكشهمبیێ راگههاند كو وان ب هویرى ئاگههـ ژ رهوشا مامۆستایان ههیه و دیاركر كو بزاڤێن دهربازكرنا قهیرانان د بهردهوامن.
سهرۆك نێچیرڤان بارزانى د پهیڤهكێ د چارچووڤهیێ رێورهسمێن ئاههنگا دهرچوونێ یا قۆتابیێن زانكۆیا سۆران دا ئاماژه دا رهوشا دهڤهرێ.
سهرۆكێ ههرێمێ دیاركر؛ هیڤدارین ل سهر بنهمایێ دهستوورى بگههینه چارهسهریهكێ د بهرژهوهندیا ههمى ئیراقێ دا.
گۆت ژى “سوپاسیا ههلویستێ سهرۆكوهزیرێ ئیراقێ دكهم، ئهو گرنگیێ ب چارهكرنا كێشهیان ددهت”.
سهرۆكێ ههرێمێ خۆیا ژى كر كو وان ب هویرى ئاگههـ ژ رهوشا مامۆستایان ههیه و دێ حكومهت ههمى بزاڤان بۆ چارهكرنا رهوشا ههیى كهت، ههروهسا بۆ قۆتابیێن دهرچوویی دیاركر كو “نابیت قهیران ببنه ئهگهرێ رهشبینیا وان”.
زێدهتر ژى گۆت “مه ل ئیراقێ و ههرێما كوردستانێ پێدڤى ب تهبایى و لێكتێگههشتنا ههڤپشك ههیه و پێدڤیه ئهم بهرژهوهندیا گهل و وهلاتى بدانینه سهر ههر تشتهكێ”.
سهرۆكێ ههرێمێ گۆت ژى “ناخوازین ئیراق ببیته پشكهك ژ كێشهیێن دهڤهرێ”.
ل دۆر رهوشا ههرێمێ دیاركر “پێدڤیه ل ههرێما كوردستانێ لێكتێگههشتنهكا ههڤپشك بۆ چارهكرنا كێشهیان ههبیت، ب تنێ ئێكرێزى و كارێ پێكڤهیى دێ بنه ئهگهرێ پاراستنا دهستكهفتیێن مه”.
ئاماژه ب وێ چهندێ ژى كر كو پێدڤیه دهرچوویێن زانكۆیێ نموونهیا كهسێن دهستپێشخهر و خۆدان هزرێن ڤهكرى بن.
تُتاح هذه الصورة أيضا في: کوردی
