نیسان 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆكاتیا هه‌رێمێ ناڤه‌ڕۆكا كۆمبوونا سەرۆک نێچیرڤان بارزانى و وه‌زیرێ ده‌رڤه‌ یێ توركیا به‌لاڤكر

سه‌رۆكاتیا هه‌رێمێ ناڤه‌ڕۆكا كۆمبوونا سەرۆک نێچیرڤان بارزانى و وه‌زیرێ ده‌رڤه‌ یێ توركیا به‌لاڤكر
گاڤ

سه‌رۆكێ هه‌رێما كوردستانێ رادگه‌هینیت، د كۆمبوونا ل گه‌ل وه‌زیرێ ده‌رڤه‌ یێ توركیا دا دوپاتى ل هندێ هاته‌كرن هه‌رێما كوردستانێ ب گرنگ ته‌ماشه‌یى په‌یوه‌ندیێن ل گه‌ل توركیا دكه‌ت.

ئه‌ڤرۆ سه‌رۆك نێچیرڤان بارزانى، سه‌رۆكێ هه‌رێما كوردستانێ ل گه‌ل هاكان فیدان، وه‌زیرێ ده‌رڤه‌ یێ توركیا كۆمبوو، سه‌رۆكاتیا هه‌رێمێ ناڤه‌ڕۆكا كۆمبوونێ به‌لاڤكریه‌ و دیاركریه‌، ب ئاماده‌بوونا هه‌ر دو جێگرێن سه‌رۆكێ هه‌رێمێ په‌یوه‌ندیێن توركیا ل گه‌ل ئیراق و هه‌رێما كوردستانێ و وارێن هاریكاریا هه‌ڤپشك د ناڤبه‌را هه‌ر دو ئالیان دا، په‌یوه‌ندی و كێشه‌یێن هه‌ولێر و به‌غدایێ و چاره‌كرنا وان، ره‌وشا ئیراق و هه‌رێما كوردستانی ب گشتى هاتنه‌ به‌حسكرن.

سه‌رۆكاتیا هه‌رێمێ به‌لاڤكریه‌، سه‌رۆك بارزانى زێده‌بارى خۆشحالیێ ب سه‌ره‌دانێ دوپاتكریه‌، هه‌رێما كوردستانێ ب گرنگ و رێز ته‌ماشه‌یى په‌یوه‌ندیێن ل گه‌ل توركیا دكه‌ت كو به‌رژه‌وه‌ندیا هه‌ڤپشكا ئابۆرى، بازرگانى و ئێمناهیێ پێكڤه‌ گرێدده‌ت و ئاماده‌یه‌ د هه‌موو واران دا گرنگیێ ب په‌یوه‌ندیێن هه‌ولێر و ئه‌نقه‌ره‌ بهێته‌ دان، هه‌روه‌سا سوپاسیا توركیا ژى كر بۆ پشته‌ڤانیا ل هه‌رێما كوردستانێ د هه‌موو واران دا ب تایبه‌ت ژى ل ده‌مێن سه‌خت و ئاماژه‌ ب وێ یه‌كێ ژى كر كو هه‌رێما كوردستانێ هه‌رده‌م پشته‌ڤان و هه‌ڤكاریا توركیا ژ بیر ناكه‌ت.

ژ ئالیێ خۆ ڤه‌ وه‌زیرێ ده‌رڤه‌ ی توركیا، هاكان فیدان دوپاتكر كو توركیا گرنگیه‌كا تایبه‌ت ب په‌یوه‌ندیێن ل گه‌ل هه‌رێما كوردستانێ و ئیراقێ دده‌ت و دبێژیت: هه‌ولێر و به‌غدایێ گرنگیا خۆ بۆ توركیا هه‌یه‌ و ئارامیا هه‌ولێرێ و هه‌رێما كوردستانێ ژى بلند نرخاند و ئامادده‌ییا وه‌لاتێ خۆ ژى بۆ به‌رفره‌هكرنا په‌یوه‌ندی و هاریكاریا هه‌ڤپشكا د ناڤبه‌را هه‌ر دو وه‌لاتان دا د هه‌موو واران دا نیشان دا.

وه‌زیرێ ده‌رڤه‌ یێ توركیا سوپاسیا رۆلێ سه‌رۆك نێچیرڤان بارزانى كر بۆ به‌رده‌ومیدان ب په‌یوه‌ندیێن ئیراق و هه‌رێما كوردستانێ ل گه‌ل توركیا.

د ته‌وه‌ره‌كێ دى یێ كۆمبوونێ دا به‌حس ل پرسێن هنارتنا په‌ترۆلا هه‌رێما كوردستانێ ب رێكا به‌نده‌رێ جه‌یهان یێ توركى هاته‌ كرن و د ڤى وارى دا دیتن ل هه‌ڤ هاتنه‌ گوهارتن و هه‌روه‌سا ره‌وشا ناوچێ ب گشتى و چه‌ندین پرسێن دى كو جهێ گرنگیدانا هه‌ر دو ئالیان بوون هاتنه‌ به‌حسكرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi