ل ڤان نێزیكان نووترین په‌رتووكا سەرۆک بارزانی دێ كه‌ڤیته بەر دەستێ خوانده‌ڤانان
خانى نيوز:
په‌رتووكا سەرۆك بارزانی (بەرگێ شەشێ یێ بارزانی و بزاڤا رزگاریخوازا كورد) ل ژێر ناڤونیشانێن (كوردستان و عێراقا نوو، 2003-2016) ێ” دێ كه‌ڤیته بەر دەستێ خوانده‌ڤانان
چاپا ئێكی یا په‌رتووكا نوو یا سەرۆك بارزانی ژ 1234 لاپەر و دو بەرگان پێكهاتییە و به‌حسێ قووناغه‌كا هەرە گرنگا مێژوویا نوو یا كوردستانێ و پێشهاتێن مێژوویەكا سێزدە سالی دكه‌ت، ژ چاردە پشكێن جۆدا پێك دهێت” د ڤێ په‌رتووكێ دا ئاماژە ب ره‌وشا كوردستانێ و عێراقێ د وی ده‌مێ گرنگ دا دكه‌ت و ب هووری به‌حسێ وان زنجیرە روودان و سەرهاتییان دكه‌ت كو ژیانا سیاسییا هەرێما كوردستانێ و عێراقێ برینە قووناغه‌كا نوو .
شەرێ ئازادكرنا عێراقێ و رۆخاندنا رژێمێ و دەستپێكا ڕۆلێ كوردستانێ د عێراقا نوودا و قووناغا مەجلسا حوكمی و قووناغا ئینتیقالی و نڤێسینا دەستوورێ نوویێ عێراقێ و هەروەسا هەڵبژارتنێن عێراقێ و ململانێن دناڤا پڕۆسەیا سیاسییا عێراقێ و هەورەسا پێشێلكارییێن دەستووری و ب دەهان ڕوودانێن گرنگێن دیتر یێن عێراقێ د وێ په‌رتووكێ دا هاتینه به‌حس كرن.
سەرۆك بارزانی ب هووری به‌حسێ پڕۆسەیا سیاسییا هەرێما كوردستانێ و دامەزراندنا سەرۆكاتییا هەرێمێ و پەیوەندییێن هەرێما کوردستانێ و وه‌ڵاتان و هەلبژارتنان و ڕوودانێن گرنگێن دیتر یێن هەرێما كوردستانێ د وان سالان دا دكه‌ت” دووماهی پشكا په‌رتووكا نوو یا سەرۆك بارزانی، به‌حسێ شەرێ داعشێ و قارەمانییا پێشمەرگەیی و بەرگرییا گەلێ كوردستانێ ل هه‌مبەر هێرشا تیرۆریستێن داعشێ هەتا ئۆپەراسیۆنا ئازادكرنا مووسلێ دكه‌ت.
بەرگێ شەشێ یێ بزاڤا ڕزگاریخوازا كورد 94 بەلگەنامەیێن گرنگێن مێژوویی و سیاسی تیدا هه‌نه” كو گریداینه ب ڕوودانێن سیاسی یێن عێراقێ و هەرێما كوردستانێ دناڤبه‌را سالێن 2003 هەتا 2016 ێ. ئه‌و په‌رتووكه یا دەولەمەندە ب ژمارەكا زۆر یا وێنێن مێژوویی و هەروەسا نەخشەیێ شەرێن هێزێن پێشمەرگەیێ كوردستانێ ل دژی تیرۆریستێن داعشێ.
په‌رتووكا (بەرگا شەشێ یێ بزاڤا ڕزگاریخوازا كورد) ل ژێر ناڤونیشانێن (كوردستان و عێراقا نوو، 2003-2016) ێ” ژ نڤێسینا سەرۆك مەسعود بارزانی” ژێده‌ره‌كێ گرنگێ زانیارییانە بۆ خوانده‌ڤان و ڤه‌كۆله‌ر و مێژوونڤیس و رۆژنامەڤانان و هه‌موو ته‌خ و چینێن كوردستانێ و عێراقێ.
تُتاح هذه الصورة أيضا في: کوردی
