شوبات 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حكومه‌تا هه‌رێمێ ژماره‌یه‌كا بڕیاران ل دۆر پرۆژه‌یێن ئاكنجیبوونێ دده‌ت

حكومه‌تا هه‌رێمێ ژماره‌یه‌كا بڕیاران ل دۆر پرۆژه‌یێن ئاكنجیبوونێ دده‌ت

گاڤ

حكومه‌تا هه‌رێما كوردستانێ ئه‌ڤرۆ دوشه‌مبێ ژماره‌یه‌كا بڕیاران ل دۆر پرۆژه‌یێن ئاكنجیبوونێ ب ئارمانجا پاراستنا ژینگه‌هێ و زێده‌كرنا رێژه‌یا كه‌سكاتیێ راگه‌هاندن.
حكومه‌تا هه‌رێما كوردستانێ بڕیار دا كو هه‌ر پرۆژه‌یه‌كێ ئاكنجیبوونێ پێدڤیه‌ رازیبوونا ده‌سته‌یا ژینگه‌هێ وه‌ربگریت و رێژه‌یا 17.5% ژ بهایێ راسته‌قینه‌ یێ ئه‌ردى دێ ژ بۆ دروستكرنا كه‌سكاتیێ ژ وه‌به‌رهێنه‌ران هێته‌ وه‌رگرتن.
ده‌سته‌یا وه‌به‌رهێنانێ و ده‌سته‌یا پاراستن و چاككرنا ژینگه‌هێ یێن هه‌رێمێ بڕیار دان كو خۆدانێن پرۆژه‌یێن ئاكنجیبوونێ ب دابینكرنا پشتینه‌یا كه‌سكاتیێ د پرۆژه‌یێن ئاكنجیبوونێ دا بهێنه‌ پابه‌ندكرن هه‌روه‌سا بڕیار دان كو نابیت چ پرۆژه‌ ب بێى رازیبوونا ده‌سته‌یا پاراستن و ژینگه‌هێ ده‌ست پێ بكه‌ن.
عه‌بدولره‌حمان سه‌دیق سه‌رۆكێ ده‌سته‌یا پاراستن و چاككرنا ژینگه‌هێ بۆ میدیا و زانیارى راگه‌هاند؛ ده‌ستپێكرنا هه‌ر پرۆژه‌یه‌كێ ئاكنجیبوونێ یان نویكرنا مووله‌تا وێ پێدڤى ب رازیبوونا ده‌سته‌یا ژینگه‌هێ هه‌یه‌.
دیار ژى كریه‌ كو “خۆدانێن پرۆژه‌یان دێ ژ لایێ وه‌زاره‌تا كاره‌بێ ڤه‌ ب وێ چه‌ندێ هێنه‌ پابه‌ندكرن كو پشكه‌كا وزه‌یا كاره‌بێ یا پرۆژه‌ی ژ ژێده‌رێن وزه‌یا پاقژ وه‌كى وزه‌یا رۆژێ بیت هه‌روه‌سا خۆدانێن پرۆژه‌یان دێ ب دابینكرنا پشتینه‌یا كه‌سك ب پانیا گونجاى ل ده‌وروبه‌رێن جهێ ئاكنجیبوونێ هێنه‌ پابه‌ندكرن”.
ژ لایێ خۆڤه‌، د. محه‌مه‌د شوكرى سه‌رۆكێ ده‌سته‌یا وه‌به‌رهێنانێ بۆ میدیا و زانیارى راگه‌هاند “ده‌سته‌یا وه‌به‌رهێنانێ ل گه‌ل نڤیسینگه‌ها سه‌رۆكێ حكومه‌تێ و وه‌زاره‌تا باژێڕڤانیێ ل سه‌ر هنده‌ك پرۆژه‌یێن وه‌به‌رهێنانێ سه‌پاندینه‌ كو رێژه‌یا 17.5% ژ بهایێ راسته‌قینه‌ یی ئه‌ردى ژ وه‌به‌رهێنه‌ران ژ بۆ دروستكرنا كه‌سكاتیێ ل ده‌ڤه‌ر و باژێڕێن دى بهێته‌ وه‌رگرتن ب ئارمانجا دروستكرنا بالانسێ دناڤبه‌را رێژه‌یا كه‌سكاتیێ و رێژه‌یا ئاڤاهیان، دا كو ل گۆره‌ى ستانداردێ ده‌سته‌یا ژینگه‌هێ بیت”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi