ئایار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

وه‌زاره‌تا ناڤخۆ: پشتى 21ى نیسانێ هه‌ر چه‌كه‌كێ بێ مۆله‌ت ژ خه‌لكى بهێته‌ وه‌رگرتن، دێ ب قاچاخ هێته‌ هژمارتن

وه‌زاره‌تا ناڤخۆ: پشتى 21ى نیسانێ هه‌ر چه‌كه‌كێ بێ مۆله‌ت ژ خه‌لكى بهێته‌ وه‌رگرتن، دێ ب قاچاخ هێته‌ هژمارتن
خانى نيوز:

رۆژا 21ى نیسانا 2023ێ دووماهى ژڤانێ تۆماركرنا چه‌كێ بی مۆله‌ته‌ و ل دووڤ راگه‌هاندنا وه‌زاره‌تا ناڤخۆ، پشتى ئه‌وێ رێككه‌ڤتێ هه‌ر چه‌كه‌كێ نه‌تۆماركرى ژ خه‌لكى بهێته‌ وه‌رگرتن، دێ ب قاچاخ هێته‌هژمارتن، رێڤه‌به‌رییا گشتییا دیوانا وه‌زاره‌تا ناڤخۆ یا هه‌رێما كوردستانێ ژى دبێژیت: ئه‌و ژڤانه‌ ناهێته‌ درێژكرن و ژ 22ى نیسانێ هه‌ر وه‌لاتییه‌ك ب چه‌كێ نه‌تۆماركریڤه‌ بهێته‌ گرتن، دێ راده‌ستى دادگه‌هێ هێته‌كرن.
ل دووڤ رێڤه‌به‌رییا گشتییا دیوانا وه‌زاره‌تا ناڤخۆ، هه‌تا نوكه‌ خه‌لكى ئه‌و پێشوازییا پێدڤى ل تۆماركرنا چه‌كى نه‌كرییه‌، ژبه‌ر هندێ جۆره‌كێ نه‌تێگه‌هشتنا ل پرۆسه‌یێ ل ده‌ڤ خه‌لكى په‌یدابوویه‌، د قووناغا ناڤ تۆماركرنێدا ده‌ست ب سه‌ر چه‌كێ كه‌سێ ناهێته‌ گرتن، و خه‌لك وه‌سا تێگه‌هشتییه‌ كو ل ده‌مێ تۆماركرنێ، چه‌كێ وان دێ ژێ هێته‌ وه‌رگرتن.
هه‌روه‌سا رێڤه‌به‌رییا گشتییا دیوانا وه‌زاره‌تا ناڤخۆ دیاركر، ئه‌گه‌ر كه‌سه‌ك چه‌كێ گران راده‌ست بكه‌ت، فۆرمه‌ك دێ پێ هێته‌دان و ئه‌و چه‌كه‌ دێ راده‌ستى وه‌زاره‌تا پێشمه‌رگه‌ى هێته‌كرن، دووڤدا جڤاتا وه‌زیران دێ خه‌ملاندنه‌كێ بۆ كه‌ت و ئه‌و كه‌سێن چه‌ك راده‌ست كرى دێ هێنه‌ قه‌ره‌بووكرن.
زێده‌تر ئاشكراكر، چه‌ند رۆژه‌ ب فه‌رمانا سه‌رۆكوه‌زیرێن هه‌رێما كوردستانێ و ب سه‌رپه‌رشتییا وه‌زیرێ ناڤخۆ ده‌ست ب پرۆسه‌یا لێگه‌ریان و ده‌ست بسه‌رداگرتنا چه‌كێ بێ مۆله‌ت دا ل قه‌زایا خه‌بات هاتییه‌ كرن، و هژماره‌كا چه‌كى هاتییه‌ ده‌سته‌سه‌ركرن و هه‌ر كه‌سه‌كێ ته‌قه‌ كربیت یان ژلایێ قانوونێڤه‌ هاتبیته‌ داخوازكرن یێ هاتییه‌ گرتن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi