كۆمسیۆن: 15% یا ئه‌نجامێن مایی نێزیكه دێ هێن راگه‌هاندن
WAAR-دهۆك:
كۆمسیۆنا هه‌لبژارتن و راپرسییان ل هه‌رێما كوردستانێ رادگه‌هینیت؛ راگه‌هاندنا سه‌دێ پازده رێژه‌یا مایی یا ئه‌نجامێن هه‌لبژارتنان، دێ پشتی ئێكلاكرنا سكالایان بیت.
ل گۆری زانیاریێن وار، كۆمسیۆنا هه‌لبژارتن و راپرسیێ ل هه‌رێما كوردستانێ لێكۆلینا ل سه‌ر پتری هزار سكالایێن ل سه‌ر پرۆسه‌یا ده‌نگدانێ و هه‌لبژارتنان كرییه، پشتی ئێكلاكرنا وان ژی، سه‌دێ پازده كو رێژه‌ییا مایی یا ئه‌نجامانه دێ هێت راگه‌هاندن و ئه‌و یه‌ك دێ ل ڤێ حه‌فتیێ بیت.
كۆمسیۆنا هه‌لبژارتنان ل داوییا حه‌فتییا بۆری سه‌دێ هه‌شتێ و پێنج یا ئه‌نجامان راگه‌هاندن، پارتی دیمۆكراتی كوردستان ژی ب جوداهییه‌كا مه‌زن ل پێشییا هه‌موو حزبانه، هه‌ر یه‌ك ژ ئێكه‌تی و گۆران ل رێزبه‌ندییا د دووڤ دانه.
هزار و چل و پێنج سكالا ل سه‌ر پرۆسه‌یا هه‌لبژارتنان هاتینه تۆماركرن، ژ سه‌رجه‌مێ وان دو سه‌د و بیست و هه‌شت سندۆقان قردێلا سۆر پێڤه‌یه، چل و سێ ژ وان ل پارێزگه‌ها دهۆكێ نه، كۆمسیۆنێ ژی دیاركرییه، ئه‌وان سندۆقان دێ كاریگه‌ری ل سه‌ر ئه‌نجامان هه‌بیت.
تُتاح هذه الصورة أيضا في: کوردی
