99 وەلات تۆشی ھێرشێن ئەلیکترۆنی بوون
WAAR-دهۆک:
نێزیکی نۆت و نەھـ وەلاتێن جیھانێ تۆشی ھێرشێن ئەلکترۆنی بوون و زیان گەھاندنە نێزیکی شەش ھزار کۆمپیوتەران.
نێزیکی نۆت و نەھـ وەلات کەفتنھە بەر ھێرشێن ئەلیکترۆنی کو ب وێ ئهگهرێ ب ھزاران کۆمپیوتەر ل چەندین نەخوەشخانە، کۆمپانی و سازیێن حکومی ل وان وەلاتان ھاتنە داخستن.
ئەو ھیرش ب مەزنترین ھیرشا ب وی جۆرییە دھێتە تۆمارکرن و ل گۆری لیکۆلینان، ھاککەران ئالاڤێن کو ژ ئاژانسا سیخۆرییا ئەمریکا ھاتینە دزین، د ھێرشا ئەلیکترۆنی دا بکارئینایە.
کەرتێ ساخلەمییێ ل بریتانیا ب گرانی بوویه قوربانییا وی ھیرشێ و چەندین نەخوەشخانە نەچاربوون ھۆلێن تەنگاڤییان بگرن و نەخوەشان ڤەگەرینن، ھەڤدەم رۆسیا ژ قوربانیێن ھەرە مەزن بوو و وەزارەتا ناڤخوەیا وی وەلاتی ئەو یەک پشتراست کرییه.
د ھیرشێ دا زانیاریێن د کۆمپیۆتەرێ دا دھاتنە دزین و کۆمپیۆتەر دھاتە داخستن و داخوازا پارەیان بۆ ڤەگەراندنا زانیارییان و ڤەکرنا وێ دھاتە کرن.
تُتاح هذه الصورة أيضا في: کوردی
