كورتە فلمێ (Mind Clemency)ل ڤیستەڤالا فلمێن كوردی ل ئەمستردام هاتە خەلاتكرن
تۆرا لالش:
كورتە فلمێ(Mind Clemency)،ژ دەرهێنانا وارمان سەعید،ل ڤیستەڤالا دووێ یا نێڤدەولەتییا فلمێن كوردی ل ئەمستردام، خەلاتێ باشترین ئەكتەرێ زەلام وەرگرت.
دەرهێنەر وارمان سەعید بۆ دەنگێ لالش دیاركر،ئەڤ فلمە بەرهەمێ حكومەتا هەرێما كوردستانێ یە ب هەڤكارییا ساڤۆ پرۆدەكشن و بادینان میدیا بەرهەم هاتییە و بەرهەمێ ساڵا 2022 ێ یە،ئەڤ فلمە بەحسێ ژیانا دوو هەڤژینێن ب عەمر و مودرێن دكەت، د ڕوودانەكا نەدیار دا كورێ خۆ ژ دەست ددەن، چ تشتان ژێ نزانن، دەیكا وی كوری ژ ئەگەرێ بەرزەبوونا كورێ خۆ تووشی زەهایمەرێ دبت و بابێ وی ژی زێدەباری خزمەتێ و حەز ژێكرنا وی بۆ هەڤژینا وی، بزاڤان بۆ باشبوونا وێ دكەت.
ناڤهاتی گۆتژی ستافێ ڤی فلمی ستافەكێ ئەكادیمینە و هەموو دەرچوویێن زانكۆیا سلێمانییێ نە پشكا فلمسازییێ ل گەل چەند كەسان ژ ڕۆژهەلاتێ كوردستانێ، هەروەسا ل ساڵا 2011 ێ ب ڕێیا ڕاگەهاندنێ دەست ب وێنەكرنێ كرییە، ل ساڵا 2015 ێ چوویە دناڤا كارێ سینەمایێ دا ،وەكو هاریكارێ دەرهێنەری كار بۆ چەندین فلمان كرییە، ل ساڵا 2017ێ ئێكەم بەرهەمێ خۆ ب ناڤێ (TOUCH)پشتی تەمامكرنا خواندنا خۆ ل پشكا دەرهێنانێ ل كولیژا هۆنەرێن جوان ل زانكۆیا سلێمانییێ بەرهەمئینایە و پشكداری د چەندین فلمە فیستەڤالێن جیهانی و ناڤخۆیی دا كریە.
وارمان سەعید دبێژت: ئەكتەرێ خودان شیان قادر جەلال د كورتە فلمێ (Mind Clemency) ،ڕۆلێ سەرەكی گێرایە و كارییە خەلاتێ باشترین ئەكتەرێ زەلام د فلمە فیستەڤالا فلمێن كوردی دا ل ئەمستردام وەربگرت.
تُتاح هذه الصورة أيضا في: کوردی
