نیسان 18, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ڕاپەرەك:ستایلێ‌ ڕاپێ‌ ژ هەموو ستایلێن ستران گۆتنێ‌ ب زەحمەت ترە

ڕاپەرەك:ستایلێ‌ ڕاپێ‌ ژ هەموو ستایلێن ستران گۆتنێ‌ ب زەحمەت ترە
تۆرا لالش:
ڕەڤەند سەباح، ماوێ‌ 10ساڵایە سترانێن ڕاپێ‌ دبێژت، كۆمەكا كلیپ و سترانان هەینە و ل نێزیك دێ‌ كارەكێ‌ نووی هەبت، د دیدارەكێ‌ دا بۆ ڕۆژناما دەنگێ‌ لالش دبێژت،گۆتنا سترانا ڕاپێ‌ تشتەكێ‌ جیاوازە بەلێ‌ ژهەموو ستایلێن دی یێن سترانێ‌ ب زەحمەت ترە.

هەروەسا گۆت:گۆتنا سترانا ڕاپێ‌ تشتەكێ‌ جیاوازە و خۆشیەكا جوداتر د گۆتنا وێدا هەیە، بەلێ‌ ژ هەموو ستایلێن دی یێن ستران گۆتنێ‌ ب زەحمەت ترە، ئەڤە ماوێ‌ 10ساڵایە سترانان دبێژم و چار كلیپ و پتر ژ 10تڕاكان هەنە، هەرچەندە ئەڤە ماوەیەكە ئەز یێ‌ بەرزەمە،ئەگەرێ‌ بەرزەبوونێ‌ ژی خواندنێ‌ ڤە یێ‌ مژوولم، بەلێ‌ ل نێزیك دێ‌ من كارێن نووی هەبن.

ناڤهاتی دا زانین ژی ب دیتنا من هەموو كەس حەز ژ سترانێن ڕاپێ‌ ناكەن،چنكو ل جەم وان تشتەكێ‌ نووی یە، ئەوێن حەز ژ ڕاپێ‌ دكەن كەسێن تایبەتن،بەلێ‌ پێشبینی دكەم نفشێ‌ بێت هەموو دێ‌ حەز ژێ‌ كەن، ژبەركو ستایلێ‌ ڕاپێ‌ یێ‌ جیاوازە و یێ‌ ب زەحمەتە و هەركەسەك نكارت بێژت ئەز ڕاپەرم، بەلكو دڤێت گەلەك ل سەرخۆ كار بكەت هەتا كو بكارت ببتە ڕاپەرەكێ‌ خودان شیان.

ل داویێ‌ ژی ڕەڤەند دبێژت:د جڤاكێ‌ مە یێ‌ كوردیدا ڕاپەرێن كچ گەلەك دكێمن،لەوما هیڤیا من ئەوە كچ ژی پتر خۆ دڤی بواریدا ببینن و خۆ فێری ستایلێ‌ ڕاپێ‌ بكەن،دیسان هندی ژ من بێت دێ‌ خۆ وەستینم و بەردەوام بم و ل نێزیك دێ‌ كارێن جوانتر و جیاوازتر ئەنجام دەم.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi