شێوهرمهندێ جڤاتا رۆحانیا ئێزدیان: زێدهترى 100 ههزار ئێزدیان ژ توركیا كۆچبهرى وهڵاتێ ئهڵمانیا بووينه
باسنيوز:
خالد نهرمۆ، شێوهرمهندێ جڤاتا روحانیا ئێزدیان بۆ (باسنیوز) دیاركر، پتر ژ 100 هزار ئێزدیان ژ توركیا كۆچبهرێ وڵاتى ئهڵمانیا بوونه نوكه كار یێ دهێته كرن کۆ ئێزدى ڤهگهرن و مهزارگههێن ئێزدیان ل توركیا بهێنه نۆژهنكرن بۆ ڤێ مهرهمێ ژى میر حازم تهحسین بهگ، نڤیسارهك ئاراستهى کۆنسولخانا توركیا ل ههولیرێ كریه کۆ هاریكار بن بۆ نۆژهنكرنا مهزارگهههكێ ئێزدیان ل توركیا”.
خالد نهرمۆ، شێوهرمهندێ جڤاتا روحانیا ئێزدیان بۆ (باسنیوز) دیاركر، میر و جڤاتا روحانیا ئێزدیان ئولێ ئێزدیان ل ههمی جیهانێ برێڤهدبهن ژئالیێ ئولى و جڤاكی ڤه ههمی كارۆبارێن ئێزدیان برێڤهدبهن، ل دهڤهرا بهشیریه یا باژێرێ باتمان ل وڵاتێ تورکیا مهزارگهههكێ ئێزدیان ههبوو ب ناڤێ مهزارگههێ شێخ ههفهند ئهڤ مهزارگههە ژ ئهگهرێ گۆهۆرینا دهمی و نهمانا ئێزدیان ل وێ دهڤهرێ، مەزارگەهـ نهمایه ژبهركۆ ئێزدى سالێن حهفتیان ههتا سالێن ههشتیان كۆچبهربوونه ژ توركیا چووینه وڵاتى ئهلمانیا “.
خالد نهرمۆ، گۆت:” نوكه هندهك ژ مالباتێن ئێزدیان ڤەدگەرن سهر جهـ و مالێن خوە دگهل هاتنا ئێزدیان رێ و رهسمێن ئولى ژى ل دهڤهرێن ئێزدیان دێ هێنه كرن و ئێزدى دخوازن مهزارگههێن خۆ نوژهن بكهن و داخوازێ ژ ویلایهتا باتمانێ هاتیه كرن کۆ هاریكاربن د نۆژهنكرنا مهزارگههێ ئێزدیان ل توركیا و میر حازم تهحسین بهگ ، نڤیسارهكا تایبهت ئاراستهى کۆنسولخانا وڵاتێ توركیا ل ههرێما كوردستانێ كریه کۆ بریێا کۆنسولخانا توركیا ئهڤ كارە دهێته ئهنجامدان و دێ مهزارگههێ ئێزدیان ل توركیا هێته نۆژهنكرن بۆ وى چهندێ کۆ ئهو ئێزدیێن ژ ئهڵمانیا ڤەدگەرن توركیا رێ و رهسمێن خۆ ئهنجام بدهن و نوكه هندهك ژ مالباتێن ئێزدیان ژ ئهڵمانیا ڤەگەرینە توركیا و ل دهمێ رێ و رهسمان ب ئازادانه ئێزدى رێ و رهسمێن خوە بكهن “.
راوێژكارێ جڤاتا روحانیا ئێزدیان راگەهاند، ههتا نوكه ژى ل وڵاتى ئهڵمانیا و توركیا ژى ئێزدى رێ و رهسمێن خوە دكهن و تهوافا مهزارگههێ دهڤهرا باتمانێ دهێته كرن لێ مخابن مهزارگههـ نهمایه نوكه كار دهێته كرن ئهو مهزارگههێ ئێزدیان ل توركیا بهێته نوژهنكرن، ئێزدى ل ههمی دهڤهران ژیانه و ههبوونه ل كوردستانا باكور ئێزدى ههتا سالێن ههشتیان ژى ل توركیا ژیاینە، پتر ژ سهد هزار ئێزدیان ل باكورى كوردستانێ ژیانە ژ ئهگهرێ كۆچبهربوونێ وچهندین ئهگهرێن جۆدا جۆدا، ئێزدى ژ توركیا كۆچبهرێ وڵاتێ ئهڵمانیا بوونه نوكه ل ئهڵمانیا دژین و پتریا ئێزدیێن ل ئهڵمانیا دژین خهلكێ باكورى كوردستانێ نه ئهو ژى ئێزدیێن وڵاتێ خالتا و میردینێ و نسیبینێ و ئورفا و ویران شار ههتا دیاربهكر، ئێزدیێن ڤان دهڤهران كۆچبهرى دهولهتان بوونه ب تایبهتى ژى كۆچبهرێ وڵاتێ ئهڵمانیا بوونه”.
سهبارهت هژمارا ئێزدیان ل وڵاتێ توركیا، خالد نهرمۆ، دیاركر، نوكه پتر ژ هزار كهسێن ئێزدى ل توركیا دژین، ل دیاربهكر بتنێ ئێك یان دوو مالباتێن ئێزدیان لێ دژین هندهك دهڤهر و گۆندێن توركیا ئێزدى ماینه و تێدا دژین وپتر ژ 100 هزار ئێزدیان ژ توركیا كۆچبهرێ وڵاتێ ئهڵمانیا بوونه و هندهك دبێژن ههتا 200 هزار ئێزدیان ژ توركیا كۆچبهربوونه قهستا دهوڵهتان كرنه ب تایبهتى ژى چووینه وڵاتێ ئهڵمانیا نوكه ئێزدى مژوولێ وێ چهندێ نه کۆ پتریا وان دخوازن ڤهگهرن گۆندێن خوە و دووباره ئاڤهدان بكهن، میرێ ئێزدیان ژى پشتهڤانیا ئێزدیان دكهت کۆ ڤهگهرن جهێن خوە و مهزارگههێن خوە ئاڤا بكهن”.
تُتاح هذه الصورة أيضا في: کوردی