شوبات 22, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگه‌هێ لالش پيرۆزباهيێ ل ڕێڤه‌به‌رێن ناحيێ و پۆليسێن باشيكێ دكه‌ت

بنگه‌هێ لالش پيرۆزباهيێ ل ڕێڤه‌به‌رێن ناحيێ و پۆليسێن باشيكێ دكه‌ت

تۆڕا لالش:

شانده‌كێ ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ،ئيرۆ 18ى چريا ئێكێ 2023،سه‌ره‌دانا ناحيا باشيكێ كر.

شاندێ بنگه‌هێ لالش پێكهاتيبوو ژ به‌رێزان “ديارين شێخ خودێدا” و جوعمه‌ عه‌بديكو” ئه‌ندامێن ده‌سته‌يا بلند و “منيب سه‌يدۆ” به‌رپرسێ پشكا قوتابيان و “سلێمان فانۆ” به‌رپرسێ بنگه‌هێ لالش تايێ سنوونێ و “ره‌عه‌د تارق” به‌رپرسێ بنگه‌هێ لالش تايێ به‌حزانێ و “موفق” به‌رپرسێ بنگه‌هێ لالش تايێ باشيكێ. 

ل ده‌ستپێكێ شاندێ بنگه‌هێ لالش سه‌ره‌دانا ڕێڤه‌به‌ريا ناحيا باشيكێ كر و ژلايێ غه‌زوان ئه‌لداودى ڕێڤه‌به‌رێ ناحيێ ڤه‌ هاتنه‌ پێشوازيكرن،پاشى دهه‌ڤديتنێ دا بناڤێ بنگه‌هێ لالش پيرۆزباهى لێكرن ب هه‌لكه‌فتا وه‌رگرتنا پۆستێ وى يێ نوو و هيڤيا سه‌ركه‌فتنێ بۆ خواست دكار و ئه‌ركێ وى دا،زێده‌بارى پرسا قوتابيان و چاوانيا دابينكرنا پێتڤيێن قوتابيان گه‌نگه‌شه‌كرن.

هه‌ر دچارچۆڤێ سه‌ره‌دانا خۆ دا،شاندێ بنگه‌هێ لالش سه‌ره‌دانا رائيد “زياد ئلياس” كر كو ژ نوو بوويه‌ ڕێڤه‌به‌رێ پۆليسێن باشيكێ و پيرۆزباهى پێشكێشى وى كر و د ڕوونشتنێ دا هه‌ردوو لايان ته‌كه‌ز ل هه‌ماهه‌نگيێ كر ژبه‌ر كاروبارێن قوتابيان.

پاشى شاندێ بنگه‌هێ لالش سه‌ره‌دانا ئختيارێ باشيكێ “كۆچه‌ك به‌ره‌كات كۆچه‌ك نون” كر ب ئاماه‌بوونا كۆمه‌كا ڕيهسپبان و دگه‌لدا پرسا كاروبارێن قوتابيان و چاره‌كرنا كێشه‌يێن وان و پرسێن جڤاكى گه‌نگه‌شه‌كرن. 

     

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi