بنگه‌هێ لالش تايێ شاريا ڕێز ل هه‌ژماره‌كا مامۆستايان گڕت
تۆرا لالش:
دڕێوره‌سمه‌كا ژ هه‌ژى دا،ئيرۆ 17ى ته‌باخا 2023،بنگەهێ لالش تایێ شاریا ب هەڤكاری ل گەل ڕێكخراوا نوپێل،چه‌ندين خۆلێن هاڤینێ یێن بێ بەرامبەر بۆ قوتابيان ب داوى ئينان و ڕێز ل مامۆستايێن خۆلان گڕت.
بنگەهێ لالش تایێ شاریا ب هەڤكاری ل گەل ڕێكخراوا نوپێل وەک هەر سال ب ئەنجامدانا خۆلێن هاڤینێ یێن بێ بەرامبەر رادبت بۆ قوتابیێن پۆلا دوازدێ ئامادەیی ( زانستی و وێژەیی ) ل بابەتێن کوردی و بیرکاری و ئنگلیزی و کیمیا و فیزیا.
خۆلێن ناڤبرى بۆ قوتابیێن ژ پۆلا یازدێ چوینە دوازدێ و یێن د پۆلا دوازدێ ژی دا ماین هاتينه ڤه‌كرن،كو پتر ژ ١٧٠قوتابیان تێدا دپشکداربوون و مفا ژێ وه‌رگرتن.
بابه‌تێن خۆلێن هاڤینێ يێن بۆ قوتابيان هاتينه ڤه‌كرن ژ ئاليێ ڤان مامۆستایان دهاتنە ب ڕێڤەبرن:
١- ساکار کامل مامۆستایێ بیرکاریێ
٢- ساری خێری مامۆستایێ کوردیێ
٣- سیروان صالح مامۆستایێ فیزیایێ
٤- کارزان اسعد مامۆستایێ کیمیایێ
٥- دیار مەردان مامۆستایێ ئنگلیزیێ
ل داويێ و د ڕێوره‌سمه‌كێ دا مامۆستایێن ئەڤ خۆلە بێ بەرامبەر گۆتین هاتنە خەلاتکرن و ڕێزلێنان پێ هاتە دان ژلایێ بنگەهێ لاڵش تایێ شاریا ڤه.
بۆ زانين بنگەهێ لالش تایێ شاریا گرنگیەکا تایبەت ددەتە بوارێ پەروەردێ،هەرسال د ڤی بواری دا گەلەک کاردکەت ژ پێخەمەت بلندكرنا ئاستێ زانین و زانستێ ل دەڤەرێ.
تُتاح هذه الصورة أيضا في: کوردی
