چاره‌نڤیسێ زێده‌تر ژ سێ هه‌زار گرتيێن ئێزدى يێ دیار نینه
باسنيوز:
پشتى كاره‌ساتا 2014 سه‌ر ب خه‌لكێ شنگال دا هاتیه خار و ره‌ڤاندنا هزاران هاوولاتیێن شنگالێ، تا نووكه زێده‌تر ژ سێ هزار كه‌س د بێ سه‌رۆشوینن.
هۆزان سالح، به‌رپرسا پشكا ده‌روونى ل ده‌سته‌یا ڤه‌كۆلینێ لسه‌ر كه‌یسێن تاوانا شنگالێ، بۆ (باسنیوز) دیار كر: “ل ده‌مێ سالا 2014 كاره‌سات لسه‌ر خه‌لكێ شنگالێدا هاتییه خار، ژلایێ حكوومه‌تا هه‌رێما كوردستانێڤه ده‌سته‌یه‌ك هاتبوو پێكئینان بۆ ڤه‌كۆلینێ لسه‌ر وان تاوانێن سه‌ر ب خه‌لكێ شنگالێدا هاتییه خار و تا نووكه ئه‌و ده‌سته‌یه یا به‌رده‌وامه و ل ده‌سته‌یا مه ئه‌و كه‌یسه دهێنه تۆماركرن ئه‌وێن هه‌تا نووكه چاره‌نڤیسێ وان به‌رزه و دیار نه‌ماى”.
به‌رپرسا پشكا ده‌روونى ل ده‌سته‌یا ڤه‌كۆلینێ ل سه‌ر كه‌یسێن تاوانا شنگالێ ئه‌و چه‌نده ژى دیار كر: “تا نووكه دوو هزار و 750 كه‌س مه كه‌یسێن وان تۆمار كرنه وه‌كوو كه‌سێن رزگاربووى ل ده‌ستێ چه‌كدارێن داعش و سێ هزار و 51 كه‌یس ل نك مه هاتینه تۆماركرن كوو چاره‌نڤیسێ وان دیار نینه و ژلایێ كه‌سۆكارێن وان ڤه كه‌یسێن وان گه‌هشتینه به‌رده‌ستێ مه”.
تُتاح هذه الصورة أيضا في: کوردی
