April 14, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Mesrûr Barzanî fermana projeya masterplana Helebceyê da

Mesrûr Barzanî fermana terxankirina pereyên pêwîst bo projeya masterplana Helebceyê da

Serokwezîrê Herêma Kurdistana Iraqê Mesrûr Barzanî fermana terxankirina pereyên pêwîst ji bo masterplana Helebceyê da.

Wezîrê Şaredarî û Geştûguzarî Sasan Ewnî îro 28ê Adarê ragihand, Serokwezîrê Herêma Kurdistanê Mesrûr Barzanî fermana terxankirina pereyên pêwîst ji bo masterplana Helebce da.

Li gor Wezîrê Şaredarî û Geştûguzariyê, cîbicîkirina masterplana Helebceyê dê bibe sedema vejandin û geşepêdana Helebceyê di hemû aliyan de û dê bibe bingeha jêrxana bajêr. Ev proje, projeyek berfireh e û hemû beşên girîng ên bajêr di nava xwe de dihewîne û di pêşerojê de Helebce dê qonaxeke nû û pêşketî bibîne.

Sasan Ewnî got jî: “Di projeya masterplanê de, rêgezên berfirehkirina bajar, destnîşankirina navçeya pîşesaziyê, niştecîbûnê, çandinî, geştiyarî, bazirganî, xizmetguzariyên giştî tên diyarkirin, bi çavgirtina faktorên jîngeh, demografîk, civakî, aborî, tenduristî û perwerdehiyê. Her wiha wê pêgeha Helebce ya dîrokî û rol û bandora vî bajarî jî li ber çavan bê girtin.”

Piştî biryara terxankirina pereyan ji aliyê serokwezîr ve, wek ku Wezîrê Şaredarî û Geştûguzariyê gotiye, “karên projeyê dê bikevin qonaxeke pêşketî û proseya kar dê bileztir bibe û bikeve meriyetê.”

Serokwezîrê Herêma Kurdistanê Mesrûr Barzanî roja 22ê Sibata 2024an serdana Helebceyê kir û piştî serdana Monumenta Helebceyê danîna tacegulê, di merasîmekê kevirê bingehîn ê rêya Helebce-Tuwaqut-Qlîce û pira Tuwaqutê li parêzgeha Helebce danî.

Serokwezîr Mesrûr Barzanî di gotarekê de jî got: “Gelê vê herêmê gelek qurbanî dane û gelek êş û azar kişandine. Helebce bûye sembola qurbanîdana gelê Kurd, lê mixabin wek pêwîst xizmeta Helebce nehatiye kirin. Di vî warî de divê berpirsên vê herêmê û em hemû xwe deyndarê xelkê Helebce û malbatên hemû şehîd û enfalkiriyên Kurdistanê bizanin ku diviyabû bi awayekî hêjatir xizmeta xelkê vê herêmê bihatana kirin.”

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi