July 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Ava bendavên Dukan û Dihokê roj bi roj kêm dibe: Ji nîvî kêmtir maye

Ava bendavên Dukan û Dihokê roj bi roj kêm dibe: Ji nîvî kêmtir maye

Hewlêr (Rûdaw) – Ava bendavên li Başûrê Kurdistanê ji ber hişkesaliyê kêm dibe.
Tenê ji sedî 35ê ava Bendava Dukanê û ji sedî 40ê ava Bendava Dihokê maye.
Ava Bendava Derbendîxanê jî ber bi kêmbûnê ve diçe û tenê ji sedî 60ê ava vê bendavê maye.
Bendava Dukanê

Bendava Dukanê bendava herî mezin a Herêma Kurdistanê ye û kapasîteya wê ya avê 7 milyar metresêca e.
Rêvebirê Bendava Dukanê Koçber Cemal ji Rûdawê re ragihand ku tenê ji sedî 35ê ava Bendava Dukanê maye.
Dema ku Bendava Dukanê hat avakirin 5 motoran kareba çêdikir lê niha tenê 2 motor dixebitin.
Koçber Cemal da zanîn ku ew 2 motor, rojane 90 megawat karebayê çêdikin.
Bendava Derbendîxanê
Bendava Derbendîxanê bendava herî mezin a duyem a Herêma Kurdistanê ye û kapasîteya wê ya avê 3 milyar metresêca ye.

Rêvebirê Bendava Derbendîxanê Saman Îsmaîl da zanîn ku tenê ji sedî 60ê ava vê bendavê maye.
Dema ku Bendava Derbendîxanê hat çêkirin kapasîteya wê ya karebayê 249 megawat bû lê ev kapasîte niha daketiye nêzîkî 70 megawatî.
Bendava Dihokê
Bendava Dihokê bendava herî mezin a sêyem a Herêma Kurdistanê ye û kapasîteya wê ya avê 52 milyon sêca ye.
Li gorî lêkolînên Rûdawê, niha tenê ji sedî 40ê ava Bendava Dihokê maye.
Li aliyê din çavkaniya sereka ya vê bendavê baran e.

Rêvebirê Bendava Dihokê Ferhad Mihemed destnîşan kir ku îsal ava bendavê li gorî par, metreyekê zêdetir e.
Li aliyên din, bendava Dukanê sala 1959an ji aliyê kompanyayeke Brîtanyayê ve hatiye çêkirin.
Bendava Derbendîxanê sala 1961ê ji aliyê kompanyeyeke Amerîkayî ve hatiye avakirin.
Herwiha Bendava Dihokê jî sala 1988an hatiye çêkirin.
Xeyn ji van her sê bendavên mezin, li Herêma Kurdistanê hinek bendavên biçûk hene.

SA

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi