May 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Nêçîrvan Barzanî: Erk û berpirsyariyên PDKyê dîrokî û mezin in

Nêçîrvan Barzanî: Erk û berpirsyariyên PDKyê dîrokî û mezin in

Hewlêr (Rûdaw) – Nêçîrvan Barzanî got ku erk û berpirsyariyên PDKyê dîrokî û mezin in û divê PDK van erkên xwe bîne cih.

Îro 77emîn salvegera damezrandina PDKyê û herwiha rojbûna Serok Mesûd Barzanî ye.
Serokê Herêma Kurdistanê Nêçîrvan Barzanî, bi boneya damezrandina Partiya Demokrata Kurdistanê (PDK) peyamek belav kir.

Barzanî bal kişande ser rola dîrokî ya PDKyê û amaje pê kir ku PDK gelê Kurdistanê temsîl dike.
Peyama Nêçîrvan Barzanî bi avî awayî ye:

“Bi rêz û rûmet salvegera bûyer û werçerxaneke mezin a çarenivîsaz di dîroka gelê Kurdistanê de dikin.
Bi germî pîrozbahiyê li Serok Barzanî, malbat û kesûkarên şehîdan, polîtburo û komîteya navendî û hemû organ, kadro û endamên PDKyê dikim.
“PDK nûnertiya gelê Kurdistanê dike”
Şanazî ye ku PDK piştî temenekî dirêj, heta niha bi germ û gurî di meydana xebatê ye û nûnertiya gelê Kurdistanê dike.

Ji bo rûbirûbûn û çareserkirina astengî û bidestxistina siberojeke baştir û bi hêvî, rêbertiya xelkê Kurdistanê û armancên wê yên bilind dike.
Îro wekî dîrok û dana qurbaniyan, erk û berpirsyariyên PDKyê dîrokî û mezin in.
“Divê PDK erk û berpirsyariyên xwe bîne cih”
Divê wekî her demê erk û berpirsyariyên xwe bîne cih, hemû kesî li hev kom bike û ji bo çareserkirina pirsgirêkan înisiyatîvê wergire.  

Divê parêzer û pêşengê tebayî, yekrêzî, bihevrebûn, hevqebûlkirin û alîkariyê be.
Divê rola xwe ya aktîv û bibandor di parastina azadî, demokrasî, maf û destkeftên destûrî yên gelê Kurdistanê û ferzkirina federaliyê de bibîne.
Silav li hemû endamên partiyê, ji we û hemû gelê Kurdistanê re hêviya serkeftinê dikim.”

SA

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi