May 30, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Mesrûr Barzanî: Pêwîste dawî bi vê rewşa neasayî ya li Şingalê bê anîn

Mesrûr Barzanî: Pêwîste dawî bi vê rewşa neasayî ya li Şingalê bê anîn

BasNews – Serokê Hikûmeta Herêma Kurdistanê Mesrûr Barzanî bi boneya nehemîn salvegera komkujiya Şingalê de peyamek belav kir û ragehand: divê êdî dawî bi vê rewşa neasayî ya li Şingalê bê anîn.
Daxuyaniya Serokê Hikûmetê waha ye:
9 sal beriya niha terorîstên DAIŞê êrîşeke hovane birine ser Şingal û derdorê û ji ber êrîşa han hezaran kes ji şêniyên vê deverê hatin komkuj, wenda û awarekirin.
Di vê bîranîna xemgîn de, birêzdarî ve tevahiya qurbaniyên vê komkujiyan han bi bîrtînin û herwiha bi rêzdariyeke zêde ve jî lehengî û berxwedan û qehremaniya hêzên pêşmerge yên Kurdistanê jî bi Serokatiya cenabê Serok Mesûd Barzanî, bi bîrtînin ku, efsaneya terorîstên DAIŞê têk birin û Şingal rizgar kirin û ramaneke lehengî ya dîrokî tomar kirin.
Destxweşî ji tevahiya wan welatan jî dikin ku, tawanên terorîstên DAIŞê li dijî Kurdên Êzidî bi fermî weke jenosîd qebûl kirine, hêvî dikin civaka navnetewî hevkar û alîkar be bo kêm kirina êş û elemên xuşik û birayên Êzidî.
Mixabin piştî derbas bûna 9 salan bi ser vê karesata han, hîn jî rewşa devera Şingalê nehatiye normalkirin û jiber xwe feriz kirina milîşa û komên çekdar yên derqanûnî, xuşik û birayên me yên Êzidî nikarîne vegerin ser cîhên xwe û devera wan nehatiye awedankirin.
Di vê bîranîna han de piştîvaniya xwe bo xwestek û daxwazên xuşik û birayên Êzidî dubare dikin û lazime dawî bi rewşa heyî ya li Şingalê were anîn, herwiha tekez li ser cîhbicîh kirina rêkeftina Şingalê û derçûna ev hêzên derqanûnî yên ku, li deverê de hene dikin daku, bi hevkariya hikûmeta federalî û civaka navnetewî ev dever were awedankirin û desthilatê deverê jî bo destê xelkê resen yê Şingalê were vegerandin.
Serê rêzdariyê bo şehîdên komkujiya Şingal û tevahiya şehîdên Kurdistanê ditewînin.
Serokê hikûmeta herêma Kurdistanê
Mesrûr Barzanî
3 Tebaxa 2023an
 

SA

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi