March 05, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Dezgayê Xêrxwaziya Barzanî li îdareya Soran alîkariya darayî dide sedan zarokên sêwî

Dezgayê Xêrxwaziya Barzanî li îdareya Soran alîkariya darayî dide sedan zarokên sêwî

 


BasNews – Berpirsê Ofîsa Soran ê Dezgayê Xêrxwaziya Barzanî dibêje, li gor çend rênmayiyan, li sînorê îdareya Soran alîkariya darayî û pêdivî pêşkeşî xwandevanên sêwî yên bê bav û heta naha navê zêdetir ji 500 zarokan hatiye tomar kirin.
Berpirsê Ofîsa Soran ê Dezgayê Xêrxwaziya Barzanî Nêçîrvan Ebdulwahîd ji BasNewsê re ragehand: ‘’Dezgayê Xêrxwaziya Barzanî di berdewamiya projeya azîzan de hin merc û rênmayiyên nû diyar kiriye, ji bo tomar kirina zarokên bê bav ango sêwî, bi taybet ewên ku xwandevan in. Bi armanca dayîna alîkariya darayî ya mehane û dayîna pêdiviyan e.’’
Herwaha got: ‘’Rênmayiyên ji bo tomarkirina sûdmendan di vê projeyê de, waha ne: ‘’Divê temenê zarok bin 10 salî de be. Wefatnameya bavê xwe bîne, piştgiriya dibistanê hebe, rewşa debara wan xirab be û ji bo wan jî tîmeke taybet hatiye diyar kirin û li sînorê îdareya serbixwe ya Soran nav tên tomar kirin. Naha nêzîkî zêdetirî 500 zarokan hatine tomar kirin û nav tomar kirin jî berdewam dike.’’
Navborî got: ‘’Piştî tomar kirina navê wan zarokan û guncawiya wan a li gel rênmayiyan, mehane dê alîkariya darayî ji aliyê Dezgayê Xêrxwaziya Barzanî ve dê bê dayîn. Derveyî wê jî di dema bone û ahengan de hewkarî û pêwîstiyên din dê ji wan zarokan re bê dayîn.’’

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi