May 26, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Li Parlementoya Brîtanya merasîma Newrozê hat sazkirin

Li Parlementoya Brîtanya merasîma Newrozê hat sazkirin

London (Rûdaw) – Li paytexta Brîtanyayê li bajarê Londonê di parlamentoya wî welatî de bi amadebûna Serokê Parlamentoya Brîtanyayê û hejmareke Kurd û parlamenteran merasîmek ji bo pîrozbahiya Cejna Newrozê birêve çû. Di merasîmê de ji bilî Kurdan, nunerên wan neteweyan jî beşdar bun ku rêzê ji Newrozê digrin.

Bo yekem car di dîroka xwe de Ofîsa Serokatiya Parlamentoya Brîtanyayê merasîmek ji bo Cejna Newrozê saz kir. Ji bilî Kurdan, hejmareke dostên Kurdan ên parlamenter û Lordên Brîtanî nûnerên miletên cuda jî beşdarî merasîmê bûn.

Serokê Parlamentoya Brîtanyayê Lindsay Hoyle dibêje: “Lord, Heval û Mêvanên rêzdar, destpêkê ez bixêrhatina we dikim bo hola parlementoyê, cihê dilxweşiyê ye ku ew hejmara zêde ya amadebûyan li vir in bo beşdarîkirin di şahiya Newrozê ya Taybet bi sersala Kurdî de. Ez dizanim ku bi dirêjahiya dîrokê gelê Kurd azad nebûye ku bikare şahiyên taybet bi nasname û çanda xwe saz bike, ji ber wê sazkirina vê şahiyê li vir li hola parlementoyê de itirafeke giringe bi nasname û çanda Kurdan.”

Kurdê ji Bakurê Kurdistanê Îbrahîm Doguş ku ew Serokê Parlamentoya Brîtanyayê ji heman partiyê ne ew merasîm saz kir.

Rêkxerê Merasîma Newrozê li Parlamentoya Brîtanyayê Îbrahîm Doguş jî got: “Ez û Serokê Parlamentoya Brîtanyayê di yek partiyê de ne, lê wî ne ji ber vê yekê ev merasîm pêk anî. Sedem ew e ku civaka Kurd a li Brîtanyayê bihêz dibe û hejmara Kurdan zêde dibe, naskirina çanda Kurdan zêde dibe, herwiha nêzîkbûna gelê Brîtanî ligel Kurd û Kurdistanê ji salên borî baştir bûye. Niha em li Brîtanyayê weke civaka Kurd li her derê pêş dikevin. Îro jî dîroka Brîtanyayê de Serokê Parlamentoyê bo care yekem ji bo Newrozê ji me resepsiyonek organîze kir. Bi sedan kes ji hemû partiyan hatine.”

Hejmareke parlamenter û Lordên Brîtanyayê yên xwe bi heval û piştevanên Kurdan didin nasandin di merasîmê de kom bûne.

Endamê parlamentoya Brîtanyayê Llyod Russel-Moyle jî got: “Vê Newrozê de me şahî di nava hola parlementoyê de kir, ew jî wateya wê yekê ye ku Parlemento , Serokê Parlementoyê , parlementer û hemû alî şahiya sala nû ya Kurdî pîroz dikin û rêzê lê digrin. Ez bawer im ev pir giringe ji ber ku berî niha me di odeyên girtî de ev şahî saz dikirin lê vê care di nav hola parlementoyê de ye ku ew yek itirafeke giringe bi taybetî di vê demê de ku hê jî li ser astê cîhanê çend berbest li pêşiya Kurdan hene.”

Koçka Westimnister hinek caran piştevana mafên Kurdan bûye û gelek caran jî serdestên Kurdan ji bo wan girîngtir bûne. Niha Kurd di wê baweriyê de ne ku dostên wan di wê koçkê de ji berê zêdetir bûne.

SA

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi