May 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Hejmara qurbaniyên erdheja li Bakur û Tirkiyê gihîşt 18 hezar û 991 kesan

Hejmara qurbaniyên erdheja li Bakur û Tirkiyê gihîşt 18 hezar û 991 kesan

Navenda Nûçeyan (K24) – Serokomarê Tirkiyê Recep Tayyip Erdogan ragihand, hejmara welatiyên ku di erdhejê de canê xwe ji dest dane gihîşt 18 hezar û 991 kesan.

Erdogan ragihand, di erdhejê de hejmara kesên ku canê xwe ji dest dane gihîşt 18 hezar û 991 kesan, herwiha 75 hezar û 523 kes jî birîndar bûne û 6 hezar û 44 avahî hilweşiyane.

Sibeha 6ê Sibata 2023an li navçeyên Pazarcix  û Elbîstanê yên Mereşê 2 erdhejên bi hêza 7,7 û 7,6 rû dabûn.

Ji ber Erdhejê li bajarên Rojavayê Kurdistanê û bakurê rojavayê Sûriyê jî hejmarek mezin ji avahiyan hilweşiyan û li gorî amarên ne fermî jî, zêdetir ji hezar kesî canê xwe ji dest dane.

Heta niha 76 welatan amadebûna xwe ji bo şandina tîmên alîkariyê bo mexdûran nîşan dane û zêdetirî 3 hezar kes jî bo alîkariya mexdûran gihîştine Tirkiyê.

Di vê navberê de Serokomarê Tirkiyê Recep Tayyîp Erdogan li herêmên erdhej lê rû dane, ji bo 3 mehan rewşa awarte ragihandiye.

00S.A

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi