Şingal: Pêşmerge êrîşa herî berfireh ya Daişê paşvebir

Çavkanî :Waar Media

Hêzên pêşmerge, êrîşeka berfireh a Daişê, her ji alîyê rojhelat heta rojavayê Şingalê paşve bir, fermandeyekê pêşmerge jî dibêje, bi dehan termên terorîstan li bereyên şerî mane.

Miqedim Xalid Hemzo cîgirê betelyona taybet bo War ragehand; îro saet pêncê serê sibê, terorîstên Daişê êrîşeka berfireh bi rêya peyade û trumbêlên mînrêj kirî, bi dirêjahîya rojhelata Şingalê heta rojavayê wî bajarî kire ser sengerên pêşmerge, lê pêşmergeyên hêza piştevanîya yek û leşkerê du yê taybet û fermandeyên Duhok û Şingal, li hemû bereyan lê hatine dest û frokeyên hevpeymanan jî bi berdewamî agirbarana terorîstan dikir.

Got jî: piştî du saetên şerekê giran, êrîşên terorîstan bê çi zîyanên jîyanî li hemû bereyan hatine jinav birin û sê trumbêlên mînrij kirî û barhilgirên terorîstan bi çekên giran û bombebarnên hevpeymanan, hatine jinav birin û bi dehan termên terorîstan li bereyên şerî mane û birîndarên xwe jî bo Blêc û Beac rewane kirine û bi tenê li gundên Konrîfî û Rambosyê, zêdetir 20 termên terorîstan li meydana şerî mane û li bereyên din jî, Daişê çar pîkapên tije term ji meydana şerî birine.

Da zanîn jî ku piştî operasyona Mûsilê destpêkirî û Daişê şikestin anîye, dest bi komkirina çekdaran kir û li gundên derdora Mûsilê, her kesekê jîyê wî di ser 15 salîyê da, bo vê êrîşê komkiribûn û merem jê têkdana bereyên şerî û nîşandana hêza xwe bûn, lê herzû plana wan sernegir û hatine şikandin.