May 24, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Serok Barzanî ji bo bîranîna Enfala Badînanê: Divê dewleta Iraqê jenosîd û wan tawan û zilman qerebû bike

Serok Barzanî ji bo bîranîna Enfala Badînanê: Divê dewleta Iraqê jenosîd û wan tawan û zilman qerebû bike

Tora Laliş ya mediyay

Îro Mesûd Barzanî bi merema li bîr anîna 35 salan li ser Enfala Badînan peyamek belavkir û di peyama xwe da di bêje ”gelê Kurdistanê xwedî îrade û dozeke rewa bû û ti car li hember wan tawan û sitemkariyên dijminan xwe neda dest. Wan dijmin û tawanbaran bûn ku baca xeletî û tawanên xwe dan. Ev derseke mezin e ji bo ewladên gelê me û him jî ji bo neyar û nehezên gelê Kurdistanê.”

ev ji deqê peyama serok Mesûd Barzanî ye bi dirêjî

Bi navê Xwedayê mezin û dilovan

Di dirêjahiya wan rêzetawan û karesatên di sedsala borî de li dijî Kurdên Feylî û ewladên gelê me yên li Barzan û Germiyan û Helebce û cihên din hatin encamdan, sî û pênc sal berê rejîma berê ya Iraqê di qonaxa herî dawî ya proseya Enfalê de piştî bombebaran û kîmyabarankirina piraniya mezin a devera Badînanê, xelkê wan navçe û pêkhateyên rûbirûyî girtin û windakirin û raguhestinê kirin.

Hikûmeta wê demê ya Iraqê li ber çavê cîhanê bi sed hezaran serbaz û çekên bizdandinê li dijî nişteciyên bêtawan ên Badînanê bi kar anîn. Armanca wê kiryarê şikanduna îradeya şoreşgeriya Badînanê bû, lê belê gelê Kurdistanê xwedî îrade û dozeke rewa bû û ti car li hember wan tawan û sitemkariyên dijminan xwe neda dest. Wan dijmin û tawanbaran bûn ku baca xeletî û tawanên xwe dan. Ev derseke mezin e ji bo ewladên gelê me û him jî ji bo neyar û nehezên gelê Kurdistanê.

Di salvegera Enfala Badînanê de em silavan ji bo giyanê pak ê şehîdan û enfalkiriyan dişînin û tekezî li wê yekê dikin ku divê dewleta Iraqê jenosîd û wan tawan û zilman qerebû bike ku derheqê miletê me de hatine kirin.

Mesûd Barzanî

25ê Tebaxa 2023an

CH

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi