July 16, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Nêçîrvan Barzanî bo naskirina jenosîda Kurdên Êzdî spasiya Almanyayê kir

Nêçîrvan Barzanî bo naskirina jenosîda Kurdên Êzdî spasiya Almanyayê kir

Hewlêr (Rûdaw) – Serokê Herêma Kurdistanê Nêçîrvan Barzanî bi Wezîra Derve ya Almanyayê Annalena Baerbock re civiya û têkeliyên navbera Hewlêr û Bexdayê gotûbêj kirin.

Îro Çarşemê 8ê Adara 2023an Serokê Herêma Kurdistanê Nêçîrvan Barzanî li Hewlêrê pêşwazî li Wezîra Derve ya Almanyayê Annalena Baerbock kir.

Serokatiya Herêma Kurdistanê di derbarê hevdîtinê de daxuyaniyek belav kir.

Di daxuyaniyê de hat ragihandin ku di hevdîtinê de Nêçîrvan Barzanî spasiya Almanyayê kiriye ku di warê leşkerî, mirovî û siyasî de piştevaniya Iraq û Herêma Kurdistanê dike.

Herwiha Barzanî tekezî li ser wê yekê kir ku metirsiya terorê heta niha berdewam e, ji ber wê jî Iraq û Herêma Kurdistanê pêwîstî bi berdewamiya piştevaniya Almanya û civaka navdewletî heye.

Li aliyê din Wezîra Derve ya Almanyayê Annalena Baerbock tekezî li ser wê yekê kir ku Almanya giringiyê dide peywendiyên xwe yên ligel Iraq û Herêma Kurdistanê û aramiya siyasî û aborî. Herwiha tekezî li ser cîbicîkirina rêkeftina di navbera Hikûmeta Herêma Kurdistanê û Hikûmeta Federal a Iraqê de ji bo asayîkirina rewşa Şingalê kir, ku dibe sedema vegera koçberan û avadankirina navçeyê.

Peywendiyên Hewlêr û Bexdayê mijareke dinê vê hevdîtinê bû. Serokatiya Herêma Kurdistanê ragihand ku Nêçîrvan Barzanî balkişandiye li ser atmosfera erênî ya diyalogê di navbera her du aliyan de ji bo çareserkirina pirsgirêkan û her wiha amaje bi hemahengiya bihêz di navbera artêşa Iraqê û Pêşmerge bo şerê DAIŞê kir.

Li gorî daxuyaniyê, di hevdîtinê de peywendiyên Iraq û Herêma Kurdistanê li gel welatên cîran, rewşa koçberên Herêma Kurdistanê, rewşa Şingalê û êzdiyan bi giştî û çendîn mijarên hevbeş hatin gotûbêjkirin.

Herwiha Nêçîrvan Barzanî ji bo piştevanî û alîkariya bo Kurdên Êzdî û naskirina jenosîdê li parlamentoya Almanyayê spasiya Almanyayê kir.

 

CH

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi