March 04, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Nasnameya 41 rufatên cînosayda gundê Koço yê Şingalê eşkere bû

Nasnameya 41 rufatên cînosayda gundê Koço yê Şingalê eşkere bû

BasNews – Nasnameyên komek din yên qurbaniyên cînosayda gundê Koço yê Şingalê hat eşkerekirin.

Yek ji mexdûrên cînosayda gundê Koço yê Şingalê bi navê Elyas Salih Qasim, ku di gorekî bi kom de bi birîndarî xilas bibû, ji BasNewsê re got, nasnameyên 41 kesên ku roja 15 Tebaxa sala 2014 ji aliyê terorîstên DAIŞê ve hatibûn komkujkirin û di gorên bi kom de hatibûn veşartin, eşkere bû.

Elyas Salih Qasim her wiha got, rufatên wan kesan niha li Bexdayê ne û dê çend rojên din teslîmî malbatên wan bê kirin û li goristana gundê Koço bên veşartin.

Wî welatiyê xelkê gundê Koço da zanîn jî, beriya niha jî nasnameya 104 rufatên din ku ji gorên bi kom yên Koço hatibûn derxistin, eşkere bibû.

Terorîstên DAIŞê havîna 2014 zêdetirî 500 kes li gundê Koço yê Şingalê komkuj kiribûn û xistibûn nav 15 gorên bi kom. Beşek ji wan goran hatine vekirin û bi dehan rufat ji nav wan goran hatine derxistin û bo naskirina nasnameyên wan şandine Bexdayê. 

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi