Qasim Dirbo: Heşdî şeibî nahêle xelk qesta gund û warê xwe bike
BasNews
Berpirsê operasyonên Pêşmerge li fermandariya Şingale diyar kir, roja 27.05.2017ê Pêşmergeyên Kurdistanê rê ji bo hemwelatiyan vekir ku biçin qesta nav gund û warên xwe bikin û biçin Tel Benat, Koço û Tel Qeseb û deverên din, lê heşdî şeibî rê li hemwelatiyan girt û nehêla biçin.
Qasim Dirbo ji BasNewsê re ragehand: ‘’Piştî heşdî şeibî razî nebû xelk qesta mal û milkên xwe bike, em naçarbûn careke din rê bigrin ji ber li gor hin zanyariyan heşdî şeibî gef li hemwelatiyan kirine û nahêle û rê nedaye ti kesekê ku ew cîhên ku heşdî şeibî girtine qesta wan deveran bikin.’’
Herwaha got: ‘’Heşdî şeibî gelek gund û wargehên êzdiyan kontrol kirine, wek Til Benat, Til Qeseb, Koço û Girzerk û naha jî heşdî şeibî û PKK ber bi Sîba Şêxidir û Gir Ezîz ve diçin. Hatina heşdî şeibî dê aloziyên mezin li Şingalê ava bike.’’
تُتاح هذه الصورة أيضا في: Kurdî
