سروشتێ مرۆڤان
دلۆڤان ئەمجەد بارزانی
سروشتێ مرۆڤان یێ وەسانە حەز دكن رێز لێ بێتە گرتن و گرنگی پێ بێتە دان ، باش قەدر و قیمەتێ بۆ بدانێن،لێ ل وی دەمێ ب چاڤەكی كێم لێ دنێرن زۆر غەمبار و دلگران دبت،زۆر هەست ب بێزاریێ دكت،پیڤەرێ سەرەدەریكرنا خەلكی دگەل مە رەفتار و گۆتار و كریارێت مەنەى،ئەگەر ئەو چەندا ئەم ب گۆتار دبێژین بكارین ب رەفتار و كریار ب سەلمینین ،مسۆگەر دێ كارین جیەكی هەژی و شایستە دناڤ دل و گیانێ خەلكی دا ب خۆ تەرخان بكەین،لێ ئەگەر بەروڤاژی وێ چەندێ بوو یا مە ئاماژە پێكری ،هنگی نە هەر خەلك بەلكی وژدانا مەژی دێ لۆمەیا مەكت و تانا ل مە دەتن،چنكو ئەگەر ئەم بكارین فند و فێلا ل خەلكی بكەین،لێ ئەم نكارین وژدانا خۆ ب خاپینین،نـۆژدار جۆسون دبێژت:(( ئەگەر كەسەكی سنوورێ رێزگرتنا هەوە بەزاند،تۆرە نەبن و چاڤ پۆشیێ لێ بكن،پەردا ژبیركرنێ ب سەردا بكێشن،باشترین تۆلڤەكرن ژبیركرن و بەخشینە ))،ژبیرا نە بەنەڤە دەمێ هین دهەمبەر نەیار و زمان درێژاندا تۆرە دبن ،بێی كو بزانن هین هاری وان دكن،بەروڤاژی ئەگەر خۆراگرتنێ بكەنە دروشمێ خۆ،هەروەسا هێرشا وان بێ بەرسڤ بهێلن،ئەو دێ وەسا هەست كن كو دبەرامبەر هەوە دا یێ دۆراندی،هەردەم هەوە ئەڤ خالە ل بیربت هیچ تشتەك هندی خۆراگرتنێ مرۆڤی مەزن و شوكودار نیشان نادەت،تـۆمـاس ئـەكـیناس دبێژت:((ئەگەر هین مایێ خۆ دكارێ خەلكی دا نەكن،خەلك ژی مایێ خۆ دكارێ هەوە دا ناكن))،كەسێن كو كارێن ب مفا دكن و چ كێم یان زۆر مایێ خۆ دژیانا خەلكی دا ناكن دەمێ كاركرنێ خۆشحال و ئاسوودەنە و دەمێ بەرهەمێن خۆ ژی دبینن بەختەوەرن.
تُتاح هذه الصورة أيضا في: کوردی
