سماتا(كوربەكرا)سالێ سێ جارا دئێتە دروستكرن
مەهدی حەسەن موراد
كور بەكرا،ئێك ژ خاس و باب چاكێن مە ئێزدیایە دبتە كورێ پیرێ ئالوبەكر وئاقدا وی یا ل لالشا نوورانی،بنەمالا جندیێ لاسوی دبێژنێ مالا جندیێ موختار نهۆ ل گوندێ مامرەشا ئاكنجینە خۆ ب مجێورێن ڤی چاكی دادنێن و نیشانێن وی یێ ل مالا وان و چرایێ وی ڤێدخێن ،هەر وەكی د باوەریا مە ئێزدیا دا هزرا خوداوەندان هەتا نهۆ ب گرنگی مایە ئەڤ كوربەكرا خوداوەندێ نەخۆشیێن پیستی و ئێشا گران بوویە و هەر پرسكەك و كولكەكا ونەخۆشیەكا پیستی ل هەر مرۆڤەكی بێت قەستا بەر نیشانێن وی دكن بۆ چارەسەریێ،ئەڤ مال سالێ سێ جارا سماتا كوربەكرا دروست دكن بەلێ دوو جارا ل لالشا نوورانی و جارەكێ ل مال ل گوندی ،جارا ئێكێ ل جەژنا چلێ هاڤینێ ل پەرستگەها لالش سماتێ دروست دكن و مرید و خەلكێ ل بەر ئاقدێ پشكداری رێورەسمان دبن،جارا دووێ دیسا ل جەژنا جەمایێ ژی هەمان سماتێ بەرهەڤ دكن و دكەنە خێر لسەر خەلكێ دابەش دكن و ئەو خەلكێ حازر پشكداردبن و جارا سێیێ ل مال گوندیا خرڤە دكن پشتی جەژنا جەمایێ ب هەیڤەكێ هەر چ هەفتیەكا هەبت دكەنە دانەبی ئێك ژ ڤێ مالێ دچتە سەر جیەكی بلند و سێ جارا ب دەنگەكی بلند گازی دكت سبەی سماتا كوربەكرا گەلی گوندیا و سەر داخازیا مجێوری هێڤاری هەموو گوندی ل مالا وان خرڤەدبن ب تایبەت كەسانێن ئۆلی و مجێور و زانایێن ئۆلی ل دەڤەرێ قەستا مالا مجێوری دكن و ل وێدەرێ خرڤەدبن و چەندین قەول و قەسیدا وسەرهاتی و خزێموكا دبێژن،پشتی نیڤا شەڤێ سماتێ دكەلینن و سبەیكێ زوو كچێن بوكر قستا ڤێ مالێ دكن و سماتێ دگێرن لسەر گوندیا و بۆ دەمێ نیڤرۆ گوندی و خەلك ل مالا مجێورێ كوربەكرا حازردبن و پێكڤە سماتێ دخۆن،ژ بەر پیرۆزیا ڤێ سماتێ و هەر كەسەكی دل د خێرێ هەیی ژمارەكا مالا سەربرا دئیننە مالا مجێوری و دكەنە خێر دگەل سماتێ مالا مجێوری.
تُتاح هذه الصورة أيضا في: کوردی
