رێڤەبەرێ قوتابخانێ وهەستێ نەتەوایەتی دجڤاكی دا
فەهمی بابێ رۆژانێ
هەلبەت رێڤەبەر ل هەر فەرمانگەهەكێ ستوونا سەرەكی یە دئاڤاهیێ وێ دا وبارێ پیرۆز وگران ودیرۆكی لسەر ملێن ستافێ هاتیە دانان،هەكە ب دروستی ب ئەركێ خۆ یێ پیرۆز رابن وسەبارەت قوتابخانێ ئەم وەكو سەرپەرشتێن پەروەردێ دبێژینە رێڤەبەران هوون سەرپەرشتێن ئاكنجی نە ل قوتابخانێ ورۆلێ وە هەرێ پیرۆزە دئاڤاكرنا جڤاكی دا وبەرێ بنیاتێ وەلاتی ب دەستێن وەیێن پیرۆز دئێتە دانان وب تایبەت جڤاكەكێ وەكی یێ مە كوردەواریێ كو هاتیە پارچەكرن ل سەر چار وەلاتێن هۆڤ ودبن دەستێن وان دا دنالن وهەموو جۆرێن كوشتن وگرتن وژناڤبرنێ دژی مە بكاردئینن وئەڤە سەری هەزارێن سالانە ئەم دبن دەست وب دەهان شۆرەش سەرهلدان وداستانان ب خوونا هەزارێن شەهیدێن قارەمان هاتینە تۆماركرن.
ئیرۆ دڤی پارچێ ئازاد دا ئەمانەتی وان گیانێن پاكژ وخوینا گەشا شەهیدان دستۆیێ مە هەموویا دایە ورۆژانە خوونا كوردان ل شاخ وداخا ودناڤ زیندانێن دوژمنان دا ول راپەرین وسەرهلدانێن مللەتێ مە دجادە وكۆلانێن دەولەتێن داگیركەرێن كوردستانا بندەست دا درژیێت وب هەزاران زارۆكێن مەیێن دلێر دزیندانا دە دنالن ومللەت هەموو وئەزمۆنا مەیا هەرا ساڤا دكەشتیەكا بێ ئاراستە ودناڤ پێلێن دەریایەكا بێ بنی وسینگێ وێ ل باهۆز وهورە بایێ ناڤخۆ وهەرێمی وهەموو جۆرێن دوژمنان كێركا تیژدكن بۆ سەر برینا ئەزمۆنا مەیا تاكانە وساڤا ودڤێت ئەم هەموو ل ئاستێ مەترسیێ وبەرپرسیاریێ بین ونە مژولی پایەو وپلان بین بەلكی ئەڤ نفشێ نوو بێتە پەروەردەكرن ل سەر بنەمایێن وەلاتپارێزی ونەتەو پەروەریێ ودوور ژ توند تیژیێ وچەوساندنێ،چنكو ئەم پێتڤی نفشەكی خودان هەلوێست وزانا وهشیار وخودان بریار وبرێیێن سەردەمی بێنە ئاڤاكرن كو بگونجن لگەل چەرخێ بیست وئێكێ وڤێ شۆرەشا زانستی وئەڤە دێ ب رێیا خۆ گونجاندنێ دگەل قوتابییان ومامۆستایان وبلندكرنا ئاستێ خۆ یێ رۆشەنبیری ودووڤچوونا نووترین گهۆرینێن جیهانێ دوارێ زانست وپەروەردە وفێركرنێ دا نەك وێ رەفتارێ بكاربینیت ئەوا دگەل وی هاتی بكارئانین ل وان سەر دەمێن دیكتاتۆری ورەگەزپەریس كو زۆربەی مە هەلگرێن چەندین بیرۆكێن شاشین وئەم لسەر هاتینە راهاتن دكریار ورەفتارێن خۆدا وكاریگەریێ لسەر دیتن وكریارێن مە دكت وزۆر دزیانبەخشن وپێتڤی یە رێڤەبەرێ قوتابخانێ ئەو چرا گەشا بێهن خۆشا دەنگ ورەنگ وبۆچۆنا خۆ یا پیرۆز ودیتنا خۆ بگەهینە قوتابیان ومامۆستایان وجڤاكی،داكو ئەم بكارین نفشەكی بەرهەڤكەین ل ئاستێ روودان وقۆناغ ومەترسیا وبەرپرسیاریێ بیت،چنكو رێیا مەیا دوورە وپری مەترسی وپیلان ودوژمنێن هار وهۆڤ ول هەر جهەكی فەرمانا كوردانە وئەم بتنێ بێ دەولەت ماینە وبارێ مە بارەكێ زۆر گرانە ولسەر ملێن هەموو دلسۆز وكورد پەروەر وخودان وژدانە ورێڤەبەرێ دلسۆز فەرماندێ مەیدانا زانین و وەلاتپارێزیێ وپێشڤەچۆنێ یە.
یا فەرە رۆژانە بزانیت پرۆسێ پەروەردێ چاوا برێڤە دچیت وئاستێ قوتابییان یێ چاوایە وهاریكاریا مامۆستایێن پێتڤی بكەت ژبۆ بلنكرنا ئاستێ زانینێ وبەرهەڤكرنا قوتابییەكی خودان ئاست وهەلوێست و وێرەك وخودان بریار ورۆشەنبیر ودكۆمبونێن خوەدا گیانێ براینیێ وپێكڤە ژیانێ وهەڤكاریێ دناڤ مامۆستایان وقوتابیان بەر پا بكەت ودوور ژكارێن رۆتینی وخۆ سەپاندنێ وخۆ مژولكرنی بكارێ نڤیسینێ ورونشتنێ ل ژۆرا خۆ ونزانت چی دبیت ل پۆلان وگۆرەپانێ ودۆروبەرێن قوتابخانێ بەلكی دڤێت ئەو یێ ئێكێ بت لهاتنا قوتابخانێ ویێ داویێ بیت ل چۆنێ وپەیوەندیێن وی دگەل قوتابییان وەكی بابێ هەمییان بیت وبدلۆڤانی رەفتارێ دگەل وان بكت وبۆ مامۆستایان وەكی برایێ وان بت وب شێوەكی دیموكراسیانە وسەردەمانە وپەروەردان رەفتاری بكت وبزانیت ئێش وئازارێن وان چنە وهەولدەت وەكی برایێ وان هاریكاریێ دچارەسەریا ئارێشێن واندا بكت،چنكو بدیتنا مە رێڤەبەریا دیومكراسی باشترە ژیا دیكتاتۆری یان یا بەرەلایی ودڤێت پەیوەندیێن رێڤەبەر ومامۆستایان نەلسەر بەرژەوەندا بلندا قوتابییان بیت چنكو ئەم هەموو خزمەتكارێن قوتابینە،ژبەركو ئەو پێشەرۆژا مەیە ورامانا هەبوون ومانا مەیە ودڤێت هەموو هەول وبزاڤ ورەفتار بینە تەرخانكرن ژبۆ ئاڤاكرنا وی وبەرهەڤكرنا وی بۆ رۆژێن سەخت ودژوارێن لپێشیا ئەزمۆنا مەیا نوو،ب دیتنا مە رێڤەبەرێ دلسۆز دڤێت پەیڤا رۆژا پێنشەمبێ ئامادەكت ولدۆر بیرهاتن ودیرۆكا مللەتی مە یا پری روودان وهەلكەفت ودەردەسەری وهەر بیرهاتنەكا گرێدای دۆزا مە وشۆرەش وسەرهلدانێن مللەتێ مە وهەر هەفتیەكێ ئێك ژمامۆستایێن بەرێز پەیڤەكا ژهەژی بەرهەڤكت وبۆ قوتابییان درێزكرنا بلندكرنا ئالایێ پیرۆزێ كوردستانا رەنگیندا بخونیت ژبلی داكۆكیێ ل هەر پێنج خولەكێن دەسپێكا وانا ئێكێ هەر رۆژ بێنە تەرخانكرن بۆ رۆشەنبیریا نەتەوەیی وزانستی وگشتی ودووڤچوون ل سەر هەبت بەردەوام،داكو ئەم قوتابییەكی هشیار ورۆشەنبیر وزانا وكورد پەروەر بەرهەڤبكەین.
تُتاح هذه الصورة أيضا في: کوردی
