كاك مەسعود بارزانی وسەرۆكاتیا هەرێمێ
ئلیاس نەعمۆ خەتاری
ئەرێ ژبەر چی دبێژنە بلا جەنابێ سەرۆك (مەسعود بارزانی) سەرۆكاتییا هەرێما كوردستانێ بجه بهێلت،مللەتی كورد ب درێژاهیا مێژوویێ دگەلەك قۆناغێن سەخت ودژواردا دەربازبوویە وب ملیونەهان جانگۆری وقوربانی پێناڤ زمان وپاشەرۆژا خۆ داینە، دیسان ب سەدان جاران دەربەدەربووینە ومال وملكێ خەلكێ كوردستانێ هاتینە وێران كرنە وسۆتن وكوشتن ژكێمیا باران وسێدارەدان هەر بوویە بەهرا ڤی مللەتی یە.
ئاخ وئاڤ وچیایێن كوردستانێ وسروشتیا وێ یا وەسایە زەنگین بوویە ئەگەرێ هەری مەزن كو هەردەم چاڤێ نەحەز ونەیاران ودوژمنێن گەلێ كورد هەر بخرابی لسەر بت ، لەوما هەردەم ئەڤ مللەتە بەرەف خەبات وتێكوشین وبەرخودان وشۆرەش گێربوویە داكو ئیرۆ رۆژ مللەتێ كورد خۆ سەربلند ببینت ، ئەرێ ئەڤ كەسێن هەنێ نا بێژن خەبات ومێژوویا وەسا یە مەزن ویاكو بخوونێ هاتیە ڤەستراندن دێ ژنشكەكێ ڤە ئێتە ژبیركرن یان بەرو ڤاژی دڤیا ئەڤ مێژوویە ب پیتێن زێرین هاتبا نڤیسین ، دەمێ ئەم بەحسێ مێژوو وخەباتێ دكەین بێ گۆمان بنەمالا بارزان وبارزانی ب شێوەیەكێ گشتی بەشێ هەری مەزنن ژڤێ تێكۆشینێ وخەباتا مێژوویێ وشۆرەشگێرێن ئێكێ بووینە دهەردەمەكی دا ، بۆ نمونە ئەگەر بنەمالا بارزان نەبا هەر ژكەڤندا وتا ئیرۆ رۆژ گەلۆ دێ چی حال و رەوشا كوردا وكوردستانێ ب گشتی با ، ما چێدبت ئەم خەباتا باب وباپیرێن مالا بارزان ژبیربكەین وهەتا ئیرۆ ئەم دبینین سەرۆك وپاشایێن جیهانێ دباشترین ئوتێل ومۆتێلاندا وقەسر وڤللەیێن جیهانێدا دخەون لێ ل هەرێما كوردستانێ سەرۆك وكورێن سەرۆكی وبنەمالاوی ب گشتی ل سەنگەرێن شەریدانە وەك هەر پێشمەرگەكی بەرگریێ ژ ئاخ و وەلاتێ خۆدكن ومال و زارۆكێن خۆ بجه هێلاینە ودژی مەزنترین ودرەندەترین تیرۆر ل سەرانسەری جیهانێ دژی وان راوستاینە.
ئیرۆ رۆژ دڤیا خەلكێ هەرێما كوردستانێ داخوازا مەملەكاتا كوردستانێ بكت ب سەرۆكاتیا سەرۆك مەسعود بارزانی وبنەمالا بارزان،داكو مللەتێ كوردی هەر بمینت سەربلند وئێكگرتی وداكو رێ چوو جاران نەدەنە دەستێن خراب بكەڤنە دناڤ دا ، مانا سەرۆكێ هەرێما كوردستانێ پاشەرۆژا خەلكێ كوردستانێ یە.
تُتاح هذه الصورة أيضا في: کوردی
