ل هه‌ولێر سێ رێڤه‌به‌ر هاتنه ده‌سته‌سه‌ركرن
ئه‌ڤرۆ نیوز:
رێڤه‌به‌ریا پۆلیسێن هه‌ولێر ده‌سته‌سه‌ركرنا سێ رێڤه‌به‌رێن حكومی راگه‌هاند كو ب تۆمه‌تا “سه‌خته‌كاریێ” ل سه‌ر داخوازیا وه‌لاتیه‌كی هاتینه ده‌سته‌سه‌ركرن.
لیوا عه‌بدولخالق ته‌لعه‌ت، رێڤه‌به‌رێ گشتی یێ پۆلیسێن هه‌ولێر بۆ خه‌ندان گۆت: “ئه‌و سێ كه‌س ب تۆمه‌تا ماددێ 298 یا قانوونا سزایێن عیراقی ده‌سته‌سه‌ركرن، ل سه‌ر سكالایا وه‌لاتیه‌كی كو ل دادگه‌هێ تۆماركیه و ل سه‌ر پارچه‌كا ئه‌ردی یه، كو به‌لگه‌یێن سه‌خته دروست كرینه، ڤه‌كۆلین ل گه‌ل وان یا ده‌سپێكری”.
گۆتژی: “ئه‌و سێ فه‌رمانبه‌ر پلێن وان ل ئاستێ رێڤه‌به‌ران دانه، ئێك ژ وان سێ فه‌رمانبه‌ران ئافره‌ته و نوكه ب كه‌فاله‌ت هاتیه ئازادكرن، به‌لێ دو فه‌رمانبه‌رێن دی هاتینه راگرتن”.
رێڤه‌به‌رێ گشتی یێ پۆلیسێن هه‌ولێر به‌حس ل وێ چه‌ندێ ژی كریه كو ئه‌و سێ فه‌رمانبه‌ر ئێك ب پله‌یا رێڤه‌به‌رێ كارگێری یێ باژێرڤانیا هه‌ولێره، ئێك ژی رێڤه‌به‌رێ مولكی یه ل باژێرڤانیێ و ئێك ژی به‌رپرسێ هۆبا كۆمپیۆته‌ری یه، ڤه‌كولین یا به‌رده‌وامه و پشتی ب دووماهی هاتنێ دێ دوسیه بۆ دادگه‌هێ هێته ره‌وانه‌كرن.
تُتاح هذه الصورة أيضا في: کوردی
