دهەلبەستێن خۆ دا مۆرالا پێشمەرگەی بلند دكت
تۆرا لالش یا راگەهاندنێ
نڤیسەر”ئەلیاس خێری سیتۆ” دتەمەنێ بیست و دوو سالاندایە و خەلكێ گوندێ بۆزایە، دكورتە دیدارەكێ دا بۆ رۆژناما دەنگێ لالش دیاركر، ژ زارۆكینیا خۆ من حەزا نڤیسنا ژانرێن ئەدەبی هەبوو چ چیرۆك یان ژی كورتە چیرۆك و هەلبەست و گۆتار و پەخشان،دبێژت ژی هەلبەست پەیامێ دگەهینت و دهەلبەستێن خۆ دا مۆرالا پێشمەرگەی بلند دكەم.
هەروەسا نڤیسەرێ ناڤبری گۆت:”ژ زارۆكینیا خۆ من حەزا نڤیسنا ژانرێن ئەدەبی هەبوو چ چیرۆك یان ژی كورتە چیرۆك و هەلبەست وستران گۆتن و گۆتار و پەخشان…هتد، و هەر ژ زارۆكینیێ دە من سترانا راپێ گۆتیە ب زمانێ ئینگلیزی،بەلێ خەلكێ گەلەك حەژ راپا ئینگلیزی نەكر ژبەر هەر مللەتەك راپێ بزمانێ خۆ یێ دایكێ دبێژت و دڤێت یا مە ژی ب كوردی بت،بەلێ سەبارەت هەلبەستێ هەلبەستڤان هاشم بۆزانی هاریكاریا من كر و ئەز گەلەك حەژ هەلبەستا ئازاد دكەم ژبەر مرۆڤ دكارت پتر دەربرینا هەستێن خۆ تێدا بكت وەك بەدر شاكر سیاب و نازك ملائیكە و دبینم هەلبەست ژی پەیامێ مرۆڤ دگەهینت و و دهەلبەستێن خۆ دا مۆرالا پێشمەرگەی بلند دكەم،هەروەسا چەند ستران تایبەت سەر فەرمانا شنگالێ یا هەفتی و چارێ من تۆماركرینە”.
ئاماژەكر:”مامۆستا ئیڤان عادل و ئبراهیم شنگالی و عبدلعزیز باعەدری بوونە پشتەڤان و پالدەرێ من بۆ ناڤ جیهانا ئەدەبی هەژار و ئەڤیندرا ،دیسان ژ بەر شەرێن عێراقێ هاریكاری نەبوو و گۆڤار و رۆژنامێن باش نەبوون بابەتێن خۆ لێ بەلاڤ بكەم،نۆكە ژمارەكا زۆر یا ژانرێن ئەدەبی ب هەموو جۆراڤە من هەینە و نەهاتینە بەلاڤكرن”.
تُتاح هذه الصورة أيضا في: کوردی
