دێ كلیپەكێ ل سەر دووربوونا ئەڤینداران بەلاڤ كت
تۆرا لالش یا راگەهاندنێ
ل سالا 2010ێ هۆنەرمەندێ چیایێ شنگالێ(سەیدۆ مجۆ) دەست ب دروستكرنا سترانەكێ ل سەر (ژ ئێك دوور بوونا ئەڤینداران) كر،لێ ژبەر ئاریشێن تەكنیكی و نەبوونا هاریكاریێ و ستۆدیۆیێ نەهاتە خوارێ،پشتی كارەساتا ب سەرێ شنگالێ دا هاتی بریاردا ڤێ سترانێ كلیپ بكت و ل نێزیك دێ بەلاڤ بت.
هۆنەرمەندێ چیایێ شنگالێ”سەیدۆ مجۆ” ئاوارەیێ شنگالێ یە و نۆكە ل كۆمەلگەها خانكێ ئاكنجیە،بۆ رۆژناما دەنگێ لالش گۆت:”هەر ژ زارۆكینیا خوە من حەزا هۆنەری و ستران گۆتنێ هەبوو،ئامیرێن موزیكێ تەمبورێ دژەنم و ئێكەمین ئەلبووما خۆ ل سالا 2008ێ من بەلاڤكر و پتریا سترانێن من ئەڤینداری بوون،بەلێ ل سالا 2010 من دەست ب كلیپا خۆ یا دوویێ كر بەلێ نەهاتە خوار ژ بەر چەند ئاریشێن تەكنیكی و نەبوونا هاریكاریێ و ستۆدیۆیێ،بەلێ پشتی كارەساتا شنگالێ ل 3/8/2014ێ خەلكێ مە ئاوارەبوون و قەستا هەرێما كوردستانێ كرن و گەلەك ژی بوونە كۆچبەر ل وەلاتێن ئەوروپی ،لەورا من بریاردا كو ڤێ سترانێ كلیپ بكەم و سەر (ژ ئێك دوور بوونا ئەڤیندارایە)،كو ل نێزیكترین وەخت دێ بەلاڤ بت”.
مجۆ دیاركرژی هەلبەستڤان(مەمۆ ئەلخالتی) ب پەیڤێن خۆ و مالا من و دۆست و هەڤال دگەل من دا دهاریكار بوون.
تُتاح هذه الصورة أيضا في: کوردی
