ڤەكۆلەرەكێ ئێزدی:جڤاكێ نێڤ دەولەتی ب نهێنی كار ل سەر جینۆسایدا ئێزدیان دكت
تۆرا لالش:
ڤەكۆلەرەكێ ئێزدی ئاشكەراكر كو كار ل سەر كەیسا جینۆسایدا ئێزدیان نەهاتیە سەكناندن و یێ بەردەوامە،ل سەر ئاستێ نێڤ دەولەتی ژی ب نهێنی كار ل سەر ڤی كەیسی دئێتە كرن.
داود موراد خەتاری،ڤەكۆلەرێ ئێزدی بۆ رۆژناما دەنگێ لالش راگەهاند،كەیسا ئێزدیان بەری نۆكە گەلەك یە خورت بوو پووتە پێ دهاتە دان،لێ جیێ داخێ یە ئیرۆ سستیەك ژهەموو ئالیان ڤە تێدا هەیە و كەس نینە ل سەر كار بكت چنكو ئێمناهی و دەولەتەكا دروست دعێراقێ دا نینە و عێراقێ بخۆ ژی نەڤێتە ئەڤ كەیسە ببتە كەیسەكا نێڤ دەولەتی و گۆت:((ژئالیێ نێڤ دەولەتی ڤە پەیوەندیێ دگەل لایەنێن پەیوەندار دكەم دبێژن ئەم یێ كار ل سەر كەیسا ئێزدیان دكەین و كارەكێ نهێنی دكن و ئەم نزانین چ كارە دكن و ئەگەر یێ بەرچاڤ ببا و وان بۆ مە ئاشكەرا كربا دێ گەلەك باشتر ببا)). دووپاتكر ژی مە ئێزدیان ژی چوو دەزگەهێن وەسا نینن كو كەیسا جینۆسایدێ ب دەستخۆڤەبینین و پێ كار بكەین و ئەو شیان نینن ل سەر ئاستێ نێڤ دەولەتی كار بكەین و پەیوەندیێ لگەل وەلاتان بكەین.
ئاماژە ب وێ چەندێ دا ژی ئێزدیان پەیوەندیێن وەسان یێن خورت نینن دناڤ دەولەتان دا و یا مە ب تنێ ئەم هیڤیەكێ ژی ژوان وەلاتان دكەین،هەروەسا كار ل سەر كەیسا جینۆسایدێ یێ بەردەوامە و نەسەكنیە و هێدی هێدی ب رێڤەدچت.
تُتاح هذه الصورة أيضا في: کوردی
