حكومەتا عێراقێ ژ 2014وەرە نیڤا دراڤێ جۆتیارێن شنگالێ نە مەزاختیە
تۆرا لالش یا راگەهاندنێ
حكومەتا عێراقێ ژ سالا(2014) وەرە و هەتا نهۆ نیڤا دراڤێ جۆتیارێن شنگالێ نە مەزاختیە و بتنێ نیڤ یا بەلاڤكری،جۆتیار ژی ژ جیێن شۆلەژێ دخوازن كێشا وان چارەسەر بكن.
رێڤەبەرێ سایلۆیا شنگال(غازی ئەلیاس) بۆ رۆژناما دەنگێ لالش ئاشكەراكر،حكومەتا عێراقێ نیڤا دراڤێ جۆتیارێن شنگالێ یێ سالا(2014) دابەشكریە و هێشتا نیڤا دی مایە،نێزیكی(100) جۆتیاران كەفتینە دەستێ داعش و چارەنڤیسێ وان دیارنینە و ژ ڤی دراڤی هاتی بەلاڤكرن بێ بەهربوون و هەتا نهۆ خودانێن وان ل بەندا حكومەتێ نە كو مافێ وان بدەنێ لێ ئەو پشتگۆه هاڤێتینە و رێڤەبەریا سایلۆیێ ژی بەردەوام هەول ددەت وی دراڤی بدەستخۆڤە بینت،لێ ئەو بانكا ل پارێزگەها كەركوكێ دراڤێ وان گرتیێن دەستێ داعشێ نادەت و كەس و كارێن وان داخوازێ ژ جیێن شۆلەژێ دكن ڤێ كێشێ چارەسەر بكن.
هەر دڤی واری دا(مەحفود عیسا)كورێ جۆتیارەكی شنگالێ یە بۆ رۆژناما دەنگێ لالش گۆت:هەر ژ رۆژا(3/8/2014)ێ بابێ من یێ ئێخسیرە ل دەستێ داعشێ دا هەتا نهۆ ئەم تشتەكی ژ چارەنڤیسێ وی نزانین بەری هاتنا داعش جۆتیار بوو،هەڤالێن وی یێن كارێ جۆتیاریێ دكرن دراڤێ خۆ یێ(2014)ێ وەرگرتن لێ مە گەلەك هەول دان ئەم دراڤێ وی ژی وەربگرن مە وەرنەگرت و مە سەرەدانا پارێزگەهێن مووسل و كەركووكێ كر لێ گەلەك بەهانە دەرێخستن و گۆتن بەغدا بریار نەدایە ئەم دراڤێ وان جۆتیارێن ل دەستێ داعشێ دا دابەش بكەین.
هەروەسا(ئلیاس حسێن) جۆتیارەكی دەڤەرا شنگالێ یە بۆ رۆژناما دەنگێ لالش دبێژت:پار سال دەرباس گەنمێ خۆ ل سایلۆیا ناوچەداریا رەبیعە رادەستی حكومەتا عێراقێ كر،لێ حكومەت پووتێ ب جۆتیارێن شنگالێ نادەت،لەوا دخوازین جیێن شۆلەژێ كار بۆ چارەكرنا ئاریشا جۆتیاران بكن.
تُتاح هذه الصورة أيضا في: کوردی
