تۆرا لالش
ب مەرەما ئاشناکرنا نڤشێ نوو یێ خەلکێ باعەدرێ ب دیرۆکا ناحیا وان، رۆژا پێنج شەمبوویێ رێکەفتی (19 / 6 / 2025) بەرپرسێ بنگەهێ لالش تایێ باعەدرێ (م. خلات باعەدری) سمینارەک بۆ ژمارەکا گەنجێن ناحیا باعەدرێ پێشکێشکر ل هۆلا باعەدرێ یا بیرەوەریا ل دۆر بابەتێ (باعەدرێ ژلایێ دیرۆکی ڤە).
سمینارا نافهاتی ژلایێ (مركبة التراث) و ناڤەندا لاوان و بنگەهێ لالش تایێ باعەدرێ ڤە هاتبوو سازکرن دڤێ سمینارێ دا، سمیناربێژی بەحسا باعەدرێ کر وەکو گوند و ناحیە، هەروەها رۆناهی ئێخستە سەر جهێ وێ و دیرۆکا وێ، رامانا ناڤێ وێ، رۆلێ وێ وەک سەنتەرێ میرگەها ئێزدیان، بیاڤێ خواندن و خەباتا خەلکێ وێ، پێکهات و گرنترین ویستگەهێن باعەدرێ، ئەڤە و چەندین زانیاریێن دیتر شرۆڤەکرن.
ل داویێ ژی دان و ستاندنەکا گەرم لدۆر بابەتی دناڤبەرا سمیناربێژی و ئامادەبوویان ب چەندین پرسیار و رۆنکرنا ل دۆر ناڤەرۆکا بابەتی دروست بوو.
تُتاح هذه الصورة أيضا في: کوردی
