كۆربەندێ پۆلیسێن جڤاكی ل كۆمەلگەها شاریا هاتە ڤەكرن
تۆرا لالش یا راگەهاندنێ
كۆربەندێ پۆلیسێن جڤاكی بۆ خزمەتكرنا خەلكێ كۆمەلگەها شاریا هاتە ڤەكرن،كو كار بۆ چارەكرنا كێشەیێن جڤاكی دكت.
بەرپرسێ كۆربەندێ پۆلیسێن جڤاكی(هشیار شێخ میرۆز)بۆ رۆژناما دەنگێ لالش خویاكر،ئەڤ كۆربەندە ژلایێ رێكخراوا(IOM)یا كۆچبەران ل پارێزگەها دهۆكێ ل كۆمەلگەها شاریا هاتە ڤەكرن و ژ(10) ئەندامان پێك دئێت و كار بۆ چارەكرنا كێشێن جڤاكی ل ناڤ كۆمەلگەهێ و ئاوارێن شنگالێ یێن ل سنوورێ شاریا ئاكنجی دكت،ئەو ژی دەمێ ئاریشەك دناڤبەرا خێزانەكێ دا چێبت ب رێیا كۆربەندی بێتە چارەكرن و و پێك بێن و مەزن نەبت و نەگەهتە رادێ دادگەهێ.
زێدەتر گۆت:هەیڤانە كۆمبوونێن كۆربەندی دێ ل هۆلێن لالش ل شاریا ئێنە ئەنجام دان و دەست ب ڤەكرنا خۆلێن هشیاریا جڤاكی دێ كەین.
تُتاح هذه الصورة أيضا في: کوردی
