مەحما خەلیل: ژ ده‌ستپێکرنا شه‌رێ مووسلێ هه‌تا نۆکه تنێ هه‌ژماره‌ک کێم ئێزدی هاتينه رزگارکرن
باسنيۆز:
قائیمقامی قەزا شنگال دیاركر هەر ژ رۆژا دەستپێكرنا ئوپەراسیۆنا نەینەوا هەتا نۆكە هەكە سێ یان چوار كەس هاتبنە رزگاركرن نە بەرامبەر وێ ژمارێ یە یێن هەتا نۆكە رەڤاندی ماین. مخابن یونامی و هەموو دەولەتێن زلهێزێن جیهانێ پێنگاڤێن رژد نەهاڤیتن بۆ رزگاركرنا رەڤاندیێن ئێزدێ.
مەحما خەلیل، بۆ (باسنیوز) دیاركر گەلەك دەڤەر ل دەشتا نەینەوا هاتنە ئازادكرن وەكو شورا و فازلیێ و بەرتللە و حمدانیە و گەیارە و شەرەگات وفەللوجە و رومادی هەتا نۆكە دەرگەهەك نەمایە ئێدارا شنگال دەنگێ خوە نەگەهاندبە بۆ رزگاركرنا رەڤاندیێن كوردێن ئێزدی. مخابن وەكو پێدڤی دەولەتێن زلهێزێن جیهانێ و حكومەتا عیراقێ ژی چوو نەكرینە. ئەڤە چەندین دەڤەر هاتنە ئازادكرن هێشتا كچ و خوشك و دایك و برا و زارۆکێن مە دەستێن رێكخراوا تیرۆرستی داعشێ دا ماینە و رزگارنەبووینە، هەتا نۆكە پتر ژ سێ هزار كوردێن ئێزدی رەڤاندی ماینە.
گۆتژی:” بتنێ سەنتەرێن مووسل و رەقە ماینە دەستێن رێكخراوا تیرۆرستی داعشێ دا ئەو ژمارا زۆر كوردێن ئێزدی هیشتا رەڤاندینە مە نەدیتیە دەولەتێن هەڤپەیمانان و لەشكەرێ عێراقێ هندەك كەس رزگاركربن. بتنی پشتەڤانیا حكومەتا هەرێما كوردستانێ بەردەوام كار دهێتە كرن بۆ رزگاركرنا رەڤاندیێن كوردێن ئێزدی”.
ل 3/8/2014 رێكخراوا تیرۆرستی داعش ل دەڤەرا شنگال ب هزارەها كوردێن ئێزدی رەڤاند. بەشەک ژ وان هاتینە رزگارکرن لێ هێشتا گەلەک ژ وان ژی د دەستێ داعش دا ماینە.
تُتاح هذه الصورة أيضا في: کوردی
