تشرینی دووه‌م 26, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئیرانێ کولبەرەکێ کورد کوشت

ئیرانێ کولبەرەکێ کورد کوشت

ئەڤرۆ نیوز:

كۆلبه‌ره‌كێ 18 سالی ل ناڤچه‌کا سینۆری یا د ناڤبه‌را رۆژهەلات و باشوورێ كوردستانێ ده‌ ب ته‌قه‌یا هێزێن ئیرانێ هات كوشتن.هێزێن ئیرانێ دۆھی سێشه‌مبیێ ل بلنداهیێن قه‌ندیلێ ته‌قه‌ ل كۆمه‌كه‌ كۆلبه‌رێن رۆژهلاتێ كوردستانێ كرن و د ئەنجامێ ده‌ كوشتی و بریندار چێبوون.ل گۆری ئاگاهیان, ب سه‌ده‌ما ته‌قه‌كرنا هێزێن ئیرانی كۆلبه‌ره‌كی كورد هات كوشتن و كۆلبه‌ره‌ك ژی بریندار بوو.هات زانین, كو كه‌سێ كو جانێ خوه‌ ژ ده‌ست دایه‌, ناڤێ وی حاسل بادبه‌رینه‌یی و ژیێ وی 18 سالی بوویه‌ و خه‌لكێ گوندێ تركه‌ش یێ سه‌ر ب باژارێ پیرانشارێ ڤه‌ بوویه‌.ناڤچه‌یا پیرناشار سه‌ر ب پارێزگه‌ها ئورمیێ یا رۆژهلاتێ كوردستانێ یه‌, كو ده‌ریێ سینۆری یێ حاجی ئومه‌ران – ته‌مه‌رچین دكه‌ڤه‌ سینۆرێ وێ ناڤچه‌یێ.پشتی داخستنا رێیێن رێپێدایی یێن كۆلبه‌ریێ ژ ئالیێ حكوومه‌تا ئیرانێ ڤه‌, بێكاری ل ناڤا خه‌لكێ ناڤچه‌یێن سینۆری یێن رۆژهلاتێ كوردستانێ ده‌ركه‌تیه‌, لێ ژ به‌ر هه‌ژاری و نه‌بوونا ده‌رفه‌تێن دن یێن كار, ئەو نه‌چارن كو ل سه‌ر كارێ كۆلبه‌ریێ به‌رده‌وام بن, كو گه‌له‌ك جاران راستی ته‌قه‌یا هێزێن ئەوله‌هیێ یێن ئیرانێ تێن. د هه‌یاما چه‌ند سالێن بهۆری ده‌ ب سه‌دان كه‌سێن كۆلبه‌ر ل سه‌ر سینۆرێن د ناڤبه‌را باشوور و رۆژهەلاتێ كوردستانێ ژ ئالیێ هێزێن ئیرانی ڤه‌ هاتنه‌ كوشتن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.