بنگه‌هێ لالش تايێ شێخان 41 قوتابيێن سه‌ركه‌فتى خه‌لاتكرن
تۆرا لالش:
دوهى 30ى ئه‌يارا 2022 و لژێر دروشمێ(قوتابی پاشه‌رۆژا وه‌لاتی نه) و دكڤانێ به‌رنامێ سالانه يێ بنگه‌هێ لالش تايێ شێخان و ب هه‌لكه‌فتا ب داوى هاتنا سالا خووندنێ(2021/2022)،ب ئاماده‌بوونا چەندین رێڤەبەر و بەرپرسێن حکومی و حزبی 41 قوتابيێن سه‌ركه‌فتى هاتنه خه‌لاتكرن.
دپه‌يڤه‌كێ دا به‌رێز”ئازاد موراد”به‌رپرسێ بنگه‌هێ لالش تايێ شێخان پيرۆزباهى ل قوتابيێن سه‌ركه‌فتى كر و ئاماژه دا رۆلێ سه‌ميان و كارگێرى و ده‌سته‌كێن خووندنێ يێن قوتابخانان.
ل دووڤدا رێوره‌سمێن خه‌لاتكرنا 41 قوتابيێن سەركەفتيێن ئێكێ ل پۆلا هه‌فتێ تا پۆلا یازدێ ئاماده‌یی و قوتابيێن باخچەى ده‌ستپێكرن و ديارى و باوه‌رنامێن رێزلێنانێ ل سه‌ر قوتابيان هاتنه به‌لاڤكرن و ئارمێ لالش پێشكێشى كارگێريێن قوتابخانان هات كرن.
ل داويێ قوتابى و سه‌ميانێن قوتابيان سوپاسيا بنگه‌هێ لالش تايێ شێخان كر،بۆ پشته‌ڤانيا وان يا به‌رده‌وام بۆ قوتابيان.
