ئەنجامدانا ڤیستەڤالا لالش وه‌کو پێتڤیەکێ یە بۆ مللەتەکێ کەڤنار و خودان کەلتۆرەکێ ڕەسەن یێ کوردستانی
مه‌هدى حه‌سه‌ن
بنگەهێ لالش دبتە مەزنترین دەزگەهێ رەوشەنبیری و ڤەكۆلینان یێ ئێزدیان ژ دەستپێكا دامەزراندنێ و هەتا ئیرۆ رۆژ بنگەهێ لالش یێ رەوشەنبیری و جڤاكی بوویە بنگەهێ ڤەكۆلین و زانین و زانستێ و ژێدەران لسەر هەبوون و كەڤناریا ئۆلا ئێزدیان دەریغە نەکریە ئەنجامدانا ڤێ ڤیستەڤالا مەزن ل ڤی ساتە وەختی وەکو پێتڤیەکێ یە کو مللەتەکی کەڤنار و خودان کەلتورەکی رەسەن یێ کوردستانی هاتیە جینوسایدکرن ودەربەدەرکرن ئەو فولكلۆر بێ خودان مای و ژین و ژیانا باب و باپیرا نەخاسمە ل شنگالا رەنگین ئەو جل و بەرگ و ستران گۆتن و سەرهاتی و دیرۆک هاتیە ل پشت گوه ئێخستن ئەڤە ئەرکەکی بنگەهێ لالشە زێدەتر هەول بدەت ئێزدیان ب خەلكێ كوردستانێ ب تایبەت و خەلكێ دی ب گشتی بدەت ناسكرن و پێنگاڤێن باشتر پاڤێژە.
هەر چەندە لالش سالانە ب دەهان شاندێن نافخۆیی و بیانی و ڤەكۆلەر سەرەدانێ دكن بنگەهەکی زەنگینە ژ هەمی رویی ڤە ،كو دبتە مەزنترین دەزگەهێ رەوشەنبیری لسەر ئاستێ هەرێما كوردستانێ و عێراقێ ئەڤ چەندە ژی جهێ سەرفرازیێ یە کو لالش باورەیەکا مەزن دایە حکومەتا هەرێما کوردستانێ جی و بنگەهەكێ دیار د سازیێن هـەرێما كوردستانێ دا گرتیە و تا ئیرۆ لسەر كار و كەد و خەبات و خزمەتا ئۆل و جڤاكا ئێزدی بەردەوامە. ئیر رۆژ ب پشتەڤانیا راستەوخۆیا سەرۆکێ حکومەتا هەرێما کوردستانێ رێزدار مەسرور بارزانی و ل ژێر ناڤێ (فولکلۆرێ مە ناڤ و نیشانێ رەسەنەتیا مەیە) ڤیستەڤالا لالش یا رەوشەنبیری بێتە گێران ل دهۆکێ.
لدماهیکێ داخازا سەرکەفتنێ بۆ ڤیستەڤالێ د خازین و هیڤی یە بڕگێن کاری ئەو فولکلۆرێ رەنگین و یێ رەسەنێ ئێزدیاتیێ ب شێوەکی سەرکەفتی بهێتە نەمایش کرن و ژمارەکا زۆر یە میهانێن بەرێز ئامادەبن ژ هەمی تەخ و چین و ئاین و نەتەوا .
