ئایار 24, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

میری ئێزدییان سووتاندنا ‘قورئانا پیرۆز’ شەرمەزار دکەت

میری ئێزدییان سووتاندنا قورئانا پیرۆز’ شەرمەزار دکەت

K24 – هەولێر:

مير حازم ته‌حسين به‌گ، ميرى ئێزدييان سووتاندنی ‘قورئانی پیرۆز’ لەلایەن هاووڵاتییەکی عێراقییەوە لە سوید، سەرکۆنە دەکات.

میری ئێزدییان رایگەیاند، سووتاندنی قورئان، کارێکی ئیستفزازییە، هیچ پەیوەندییەکی بە ئایینەکانەوە نییە و گوزارشت لە بۆچوونی هیچ ئایین و بیروباوەڕێک ناکات.

ئاماژەی بەوەشدا، سووتاندنی قورئان هەستی زیاتر لە دوو ملیار موسڵمانی بریندار کردووە و بێڕێزی بە بیروباوەڕیان کردووە، لەهەمانکاتدا بووەتە هۆی وروژاندنی ململانێ و هاندانی رق و کینە لە نێوان خەڵکیدا.

میری ئێزدییان دووپاتی کردەوە، هەموو گوتارێکی رق و کینە رەت دەکەنەوە و هەموو ئەو کردەوانە سەرکۆنە دەکەن کە زیان بە پێکەوەژیانی ئاشتیانە و هاودەنگی برایانە دەگەیەنن و بەهاکانی یەکگرتوویی کۆمەڵایەتی تێکدەدەن.

رۆژی 28ى حوزەیرانى 2023، کە هاوکات بوو لەگەڵ یەکەم رۆژی جەژنی قوربان “حاجییان”، پەنابەرێکی عێراقی لە سوید بەناوى (سەلوان مۆمیکا) لەبەردەم مزگەوتی گەورەی ستۆکهۆڵمی ئەو وڵاتە، “قورئانی پیرۆز”ی سووتاند. ئه‌و ره‌فتاره‌ لەسەر ئاستی نێودەوڵەتی و ناوخۆیی کاردانەوەی لێکەوتەوە و بەشێک لە سوێدییەکانیش دژی ئەو کارە وەستانەوە.

دوای ئەو رووداوە، ئێوارەی رۆژی پێنجشەممە 29ی حوزەیرانی 2023، وەزارەتی دەرەوەی عێراق باڵیۆزی سوێدی لە بەغدا بانگهێشتکرد و “نامەیەکی تووندی ناڕەزایەتی” پێدا بەهۆی “مۆڵەتدانی دەسەڵاتدارانی شاری ستۆکهۆڵم بە سووتاندنی قورئانی پیرۆز لەلایەن ئەو پەنابەرە عێراقییەوە.”

هەڵوێستەکەی ئەو پەنابەرە عێراقییە، لە عێراق و وڵاتانی دیکە کاردانەوەی توندی بەدواداهات، لە سەرکۆنەکردن و بانگکردنی باڵیۆزانی سوێد بەتایبەت لە وڵاتانی عەرەبی و ناڕەزایەتی دەربڕین خۆی بینییەوە، بەڵام لە عێراق توندترین هەڵوێست روویدا و خۆپێشاندەران ئێوارەی پێنجشەممە چوونە نێو باڵیۆزخانەی ئەو وڵاتە لە بەغدا.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi